چینایي لوبډله څلورم ځل لپاره د هند غوره لیګ اتله شوه
نن ټکی اسیا (شنبه، ۲۴ تله، ۱۴۰۰ل): د هند غوره لیګ IPL اتلولي د څلورم ځل لپاره د ایم اس دهوني په مشرۍ د چینایي سوپر کینګز لوبډلې په خپل نوم کړه.
چینایي سوپر کینګز لوبډلې د هند غوره لیګ پایلوبه کې د کلکته نایټ رایډرز لوبډلې ته د ۲۷ منډو په توپیر ماتې ورکړه او دغه اتلولي یې وګټله.
په پایلوبه کې د چینایي لوبډلې لومړی توپ وهنه وکړه او د سویلي افریقایي لوبغاړي فاف ډوپلیسي په غوره توپ وهنه یې سیال لوبډلې ته په ټاکلو اورونو کې د ۱۹۳ منډو هدف وټاکه.
په ځواب کې که څه هم د کلکته لوبډلې غوره پېل وکړ، خو په پرلپسې ویکټو له لاسه ورکولو یې یوازې ۱۶۵ منډې جوړې کړې او د ۲۷ منډو په توپیر یې ماتې ومنله.
Fantastic FOUR! 🏆 🏆 🏆 🏆
The @msdhoni-led @ChennaiIPL beat #KKR by 27 runs in the #VIVOIPL #Final & clinch their 4⃣th IPL title. 👏 👏 #CSKvKKR
A round of applause for @KKRiders, who are the runners-up of the season. 👍 👍
Scorecard 👉 https://t.co/JOEYUSwYSt pic.twitter.com/PQGanwi3H3
— IndianPremierLeague (@IPL) October 15, 2021
د هند غوره لیګ تر ټولو زیاتې (پنځه ځله) اتلولي د ممبۍ انډینز لوبډلې ګټلې دي.
فاف ډوپلیسي چې په ۵۹ توپونو یې ۸۶ منډې وکړې د پایلوبې غوره لوبغاړی وټاکل شو، دغه راز د آر سي بي لوبډلې هندی لوبغاړی هارشل پټیل په ټورنمنټ کې په ۳۲ ویکټو اخیستلو د هند غوره لیګ د ۱۵م پړاو غوره لوبغاړی ونومول شو.
بل لوري ته د افغان لوبډلې نامتو توپ اچونکی راشد خان هم په یاد لیګ کې د سنرایزرز حیدراباد لوبډلې له لوري ولوبېد چې په ۱۴ لوبو کې یې ۱۸ ویکټې واخیستې، خو د نوموړي لوبډلې دوهم پړاو ته لار ونه موندله.
