افغانستان

ترکمنستان له افغانستان سره د خپلو سرحداتو امنیت څخه ډاډه دی

نن ټکی اسیا (شنبه، ۸ لړم، ۱۴۰۰ل): د ترکمنستان د بهرنیو چارو وزیر رشید مرادوف په کابل کې له خپل افغان سیال مولوي امیرخان متقي سره په لیدنه کې ویلي، چې هېواد یې له افغانستان سره د هر اړخیزړو اړیکو پراختیا او دوامداره همکاریو ته چمتو دی.

د بهرنیو چارو وزارت ویاند عبدالقهار بلخي په یو لړ ټویټونو کې ویلي، چې ښاغلي مرادوف دغه راز له افغانستان سره د خپلو سرحداتو د بشپړ امنیت او سوداګریزو چارو څخه خوښي څرګنده کړې ده.

په دغه مهال د افغانستان د بهرنیو چارو وزیر مولوي امیرخان متقي هم له ترکمنستان سره د ګډو پروژو د تطبیق لپاره تیاری ښودلی او له ترکمن چارواکو یې غوښتنه کړې چې د سوداګرۍ د پراختیا په برخه کې باید افغان سوداګرو ته د ویزې او نورو برخو کې لازمې آسانتیاوې ورکړي.

د بهرنیو چارو وزارت د ویاند د معلوماتو له مخې دواړه لورو هوکړه کړې چې د سون توکو د بیو د کنترول لپاره باید د تیلو او ګازو سوداګري پراخه شي او همدارنګه د دواړو هېوادونو سکتوري وزارتونه به د بهرنیو چارو وزارت په مرسته تخنیکي ناستې کوي، ترڅو د ټاپي  او نورو پروژو د پیل لپاره لارې هوارې کړي.

باید وویل شي چې د ترکمنستان د بهرنیو چارو وزیر رشید مرادوف په مشرۍ لوړ پوړی ترکمن پلاوی نن د شنبې په ورځ افغانستان ته راغلی دی.

مرادوف په دغه سفر کې د افغانستان د بهرنیو چارو وزیر مولوي امیرخان متقي، د اسلامي امارت د ویاند او اطلاعاتو او فرهنګ وزارت مرستیال ذبیح الله مجاهد، د افغانستان رئیس الوزراء ملا محمدحسن اخند، د رئیس الوزراء مرستیال مولوي عبدالسلام حنفي او دفاع وزیر مولوي محمدیعقوب مجاهد په ګډون ګڼو افغان چارواکو سره لیدنې او ملاقاتونه کړي دي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx
()
x