ورزش

د اصغر افغان پرځای شرف الدين لوبډله کې شامل شو

نن ټکی اسيا (سه شنبه، ۱۱ لړم، ۱۴۰۰ل): د افغانستان کرکټ بورډ د اصغر افغان پرځای له احتياطي لوبغاړو څخه شرف الدين اشرف غوره کړ او ۱۵ کسيزه لوبډله کې شامل شو.

د کرکټ نړيوالې شورا تخنيکي کميټې د اصغر افغان پرځای د شرف الدين اشرف د شاملولو غوښتنه منلې ده.

شرف الدين اشرف د افغانستان په استازيتوب د ۹ شل اوريزو سربېره ۲۶ نړيوالې لوبې ترسره کړي دي.

۲۶ کلن سوکه چپ لاسی توپ اچونکی کولی شي د مجيب د ناروغتيا په حال کې د هند پر وړاندې لوبډله کې شامل شي.

افغانستان لوبډله چې اوسمهال په خپل ګروپ کې په دوه برياو دوهم مقام لري، سبا د هند پر وړاندې مهمه سيالي کوي.

د يادونې ده چې د ملي لوبډلې پخواني لوبډلمشر اصغر افغان د شل اوريز نړيوال جام پرمهال له نړيوال کرکټ څخه استعفا وکړه.

ورته لیکنې

ګډون وکړئ
خبرتیا غوښتل د
guest

0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx