د انتقام بل ډول

حفيظ الدين پيرزاده

امریکا د ویتنام په جگړ‎ہ (۱۹۵۵ م – ۱۹۷۵ م ) کې داسې ذلیل شکست وخوړ‎، داسې بې پته او بې عزته شوہ چې امریکایي ولس ورسرہ په ذھني کوفت او نفسیاتي کمترۍ اخته شو!
ددې شکست انتقام امریکا پر بل ډول واخیست!
د جگړ‎ې مخه ھالي ووډ ته شوہ، امریکایي فلمي ستوري، ریمبو ( سلویستر ستایلون )، ارنلډ، چک نورس او نورو د ویتنام پر جگړ‎ې فلمونه جوړ‎ول پیل کړ‎ل.

بیا به د ھر فلم کیسه داسې وہ چې ویتنامي عسکرو به پر خپلو خلکو ظلمونه کول، دغه مھال به ناببرہ امریکایي فلمي ستوري له ماشینگڼې سرہ راورسید، په ھر ډز به یې پنځه شپږ‎ ویتنامي عسکر وژل، د ویتنام مظومو خلکو ته به یې نجات ورکاوہ او بیرته به امریکا ته ستنیدہ!

امریکا وکولای شول، د خپل شکست خوړ‎لي ولس غم او غصه په دا شان سړ‎ہ کړ‎ي او د جذباتي ډائیلاگونو پر ویلو خپل د کمترۍ احساس تر یوہ حدہ تسکین کړ‎ي!

په ۱۹۶۷ م کې د عرب – اسرائیل شپږ‎ ورځنۍ جگړ‎ہ ونښته!
د مصر فوځ او عسکري قوت په سیمه کې ساری نه درلود.
د اردن، سوریې او عراق فوځونه ھم ورسرہ ملگري و.
د سینا دښته، د جولان څوکې او د سرې بحیرې غاړ‎ې له عربو سرہ وې خو چې جگړ‎ہ پیل شوہ، اسرائیلو عربان دومرہ وځغلول، داسې ذلیل شکست یې ورکړ‎ چې د عربو ډیرې سیمې د یھودو تر ولکې لاندې راغلې!
د مصر د ھغه مھال ولسمشر جمال عبد الناصر خپلو فوځونو ته د سینا دښتې د پریښودو امر وکړ‎!
د دې جگړ‎ې په اړ‎ہ یوہ مصري لیکوال لیکلي و چې د قاھرې پر آسمان دومرہ اسرائیلي جنگي الوتکې راغلې وې چې د لمر وړ‎انگې ترې ځمکې ته نه شوې راتلای!

عربو من حیث القوم د ذلت، رسوائۍ او اھانت داسې څپیړ‎ہ پر مخ خوړ‎لې وہ چې پخپل قوم او ذات د فخر کولو جراثیم یې ټول له سر څخه وتلي و!

دغه مھال ستر عربي لیکوالان لکه : طه حسین، نجیب محفوظ، دکتور ابراھیم البحراوي او نور را میدان ته شول، په جگړ‎ې کې یې د شکست نور لاملونه را وسپړ‎ل، د مصر ولسمشر جمال الناصر خو د ماتې اصلي لامل د اسرائیلو ملگرتیا ته د امریکا میدان ته را کوزیدل یاد کړ‎ل، ځینې د عروبه جوھر پر ښکارہ کولو او د تیر برم پر کیسو اخته و، نور پر نورو ببو لالو مصروف و تر څو د خپل ولس فکري پرھر تداعي کړ‎ي!

د نړ‎ۍ پر مخ دوہ ھیوادونه د دین پر نوم تاسیس شوي چې یو یې ھم مذھبي نه دی؛ لومړ‎ی اسرائیل چې د یھودو دولت نه بلکې د اروپایي صھیونستانو ۱۹۱۴-۱۹۱۸ م ایجاد دی او دویم یې پاکستان چې دا ھیواد ھم د اسلام په نوم انگریز جوړ‎ کړ‎ی.

د پاکستان ھیڅ مشر له جناح نیولې تر دې دمه د قرآن کریم د کوم وړ‎وکي سورت پر ویلو نه دی قادر شوی. رحمان ملک، گیلاني او نور یې ژوندی بیلگې دي!

د ۷۳ اساسي قانون یې ھم ھماغه د لارډ میکالې دی، چې پاکستاني قانون پوھان یې کله کله د ترمیم تر نامه لاندې د اسلامي کولو ھڅې کوي خو نه بریالي کیږ‎ي؛ اوبه له سرچینې خړ‎ې دي!
آخر ځل یې په ۱۹۸۶ م کې شرعي احکام د نھم ترمیم تر نامه لاندې ور زیاتول غوښتل خو ټول پارلمان یې منحل شو!

په ھر حال، د پاکستان ولس په مجموع کې مسلمان او ښه خلک دي. داسې علمای کرام ھم پکې شته چې ساری یې ښایي په ټوله اسلامي نړ‎ۍ کې نه وي!

د تاریخ په اوږ‎دو کې، په کراتو داسې پیښ شوي چې د پاکستان سیکولر دولتي مشرانو د اسلام د کوم صریح حُکم څخه مطلقه سرغړ‎ونه کړ‎ې، د پاکستان ولس، په ځانگړ‎ې ډول پښتانه یې په مقابل کې په جوش راغلي، حالت دې ته رسیدلی چې د مصنوعي دولت تھدابونه یې لړ‎زولي، په ولس کې د عمومي قیام لپارہ حالات سازگار شوي خو دغه مھال مرحوم مولوي صیب بجلیگر و امثالھم یې را میدان ته شوي!

پاکستاني حاکمانو ته یې بد، رد، ستغې، سپورې کړ‎ي، بینظیر او بانظیر یې دواړ‎ہ سپک یاد کړ‎ي او د ولس د رنځ، درد، جوش او جذبې حرارت یې په دغه وسیله بیرته سوړ‎ کړ‎ی!

ان پرون ھم د ھمدې بل ډول انتقام له حیلې کار واخستل شو.
پنجابي جنرالانو ته د ناټو سوټی په لاس ورغلو، ھغوی د خپلو دښمنانو ( پښتنو ) سر ته ونیوہ!
وزیرستان یې پر لوټې لوټې کړ‎! په سوات کې یې پوځي عملیات وکړ‎ل، پښتون یې من حیث القوم په پنجاب، کراچۍ، حیدر آباد، پنډۍ او نورو سیمو کې وځاپه!

که د ظلم په دې انتھا کې د ازادۍ یوہ رښتینې چیغه پورته شوې وہ نو ټولو پښتنو به ورته لبیک ویلی وای، د پښتنو او بلوڅو سیمې به د پنجاب د غلامۍ جغ ایسته غورځولی وای او پخپله خاورہ به د خپل اختیار خاوندان شوي وای. ټي ټي پي ( تحریک طالبان پاکستان ) کولای شو چې پښتانه په یوہ نظامي پلیټ فارم را یو ځای کړ‎ي خو له بدہ مرغه دلته بیا ھم له ھماغې زړ‎ې حیلې کار واخیستل شو.

د باچا خان د عدم تشدد د فلسفې نوی ورژن د منظور پښتین په شکل کې بازار ته متعارف شو چې وایي: د پنجابي آئین په دائرہ کې به د پښتنو حقوق غواړ‎ي او “ یہ جو دھشتگردی ھے، اس کی پیچھے وردی ھے”!!!

سیکولر داوړ‎ یې ھم د پاکستان دولتي نخچه پر مخ وړ‎ي او علی وزیر یې د پښتو فلمونو د مرحوم بدر منیر زاړ‎ہ ډائیلاگونه د نوي سیاسي ریمیکس په توگه وړ‎اندې کوي!

اوس په دې خبرہ د سیمې د ماشومانو سر ھم پورہ خلاص دی چې د دھشتگردۍ تر شا پوځ دی نو اعلان ته څه ضرورت؟!!
یو شاعر وایي:
تور پنجاب دې وژني، ته لار یون کوې
دا کار نو بیا چرته د پښتون کوې؟!

دا ځل ھم د تیر پڅیر د ولس احساسات د پاکستان دولت پر ھماغې زړ‎ې حیلې بیرته کنترول کړ‎ل.
د پښتنو کورونه، بازارونه او کاروبارونه وران، جیلونه پر ډک، جبري مھاجرت ته اړ‎ او په مقابل کې یې یو څو نوم ورکي پښتانه لکه پښتین، داوړ‎ او نور د سیاسي حیثیت څښتنان شول!!

امریکا تر شل کلنې جگړ‎ې وروسته د نړ‎ۍ پر مخ د تر ټولو ضعیف او ناتوانه ولس په مقابل کې شکست وخوړ‎.
دا له توھین، تذلیل او تحقیر ډکه ماتې د ویتنام تر ھغې ھم ډیرہ درندہ وہ.
اوس د امریکا ولس په ژور خفگان او دولت یې د خپلو زخمونو پر څټلو بوخت دی.
ښایي کال پس، د امریکا دولت، رسنۍ او د علم النفس پوھان د خپل ولس د حالت د تغیر لپارہ بیا ھماغې زړ‎ې حیلې او د انتقام ډول ته پناہ یوسي!
بیا به ھالیوډ، او د غرب پاته رسنیز ماشین ته کار سپارل کیږ‎ي چې د ولس د انتقام جذبه سړ‎ہ کړ‎ي!
بیا به د امریکا نوي فلمي اکټران میدان ته کوږ‎یږ‎ي!
بیا به د سینما، تلویزون، او نورو تصویري رسنیو پر پردو وینو چې امریکایي فلمي اتلان د ویتنامیانو پر ځای د وسلوالو طالبانو پر لیکو گوزارونه کوي او له ھر ډز سرہ په لسگونو طالبان مړ‎ہ کوي!
ھمدا د امریکا بل ډول انتقام دی!!!

حفیظ الدین پیرزادہ
لندن