کله کله/ پيرزاده

حفيظ الدين پيرزاده

کله کله بس بیخي سړی خراب شي
د اشنا پر جدایي سړ‎ی خراب شي

بې اوبو لکه ماھي سړ‎ی خراب شي
بې وطنه پردیسي سړ‎ی خراب شي

د کشرانو ډاډگیرنه یې وي زړ‎ہ کې
په ھمدې کې سمدستي سړ‎ی خراب شي

له ھر چا سرہ یې زیست وي له ناکامه
چې ناکام شي، نو حتمي سړ‎ی خراب شي

ځان به کلک نیسي، پښتو دہ څښتن مړ‎ې
خو دننه نیمایي سړ‎ی خراب شي

د خزان رژیدل خیر دی بدہ دا دہ
چې پر وخت د پسرلي سړ‎ی خراب شي

سم سالار وي، خو اټک ته یې چې شا شي
د مغل جیل وي ھجري سړ‎ی خراب شي*

حفیظ الدین پیرزادہ
د نومبر ۲۵/ ۲۰۲۱ م
لندن

٭ اشرف خان ھجري د خوشال بابا زوی چې د مغل جیل کې ومړ‎.