افغانستان

کابل کې جنايي او امنيتي پېښې په بې ساري توګه کمې شوي

نن ټکی اسیا (دوشنبه، ۸ لیندۍ، ۱۴۰۰ل): په هېواد د اسلامي امارت له واکمنۍ وروسته امنيتي وضعيت د تېرو شلو کلونو په پرتله په بې ساري توګه ښه شوی دی او د ژوند چارې په عادي ډول پرمخ روانې دي.

د کورنيو چارو وزارت وياند قاري سعيد خوستي په خپله ټوېټر پاڼه ليکلي دي چې نن دريمه ورځ ده چې په کابل ښار کې د جنايي او امنيتي پېښو کچه په بې سارې توګه راټيټه شوې ده.

ښاغلي خوستي ليکلي چې تېره ورځ يې په کابل کې دوه جنايي او يوه امنيتي پېښه درلوده او وړمه ورځ يې درې جنايي پېښې درلودلې.

بايد وويل شي چې تېر شل کلونه د پلازمينې کابل په شمول په ټول هېواد کې هره ورځ لسګونه امنيتي او جنايي پېښې کېدلې چې واک ته د اسلامي امارت له رسېدو وروسته دا ګراف راښکته شوی دی او په امنيتي او جنايي پېښو کې په بې ساري توګه کموالی راغلی دی.

د اسلامي امارت امنيتي او استخباراتي مسؤلين هم وخت په وخت په خپلو ويناوو او اعلاميو کې ولس ته د امنيتي وضعيت د لا ښه کولو ټټر وهي او دا هغه څه دي چې عام افغانان يې له تېرو شلو کلونو هيله درلوده.
د چارو څارونکي د هيواد ډاډمن امنيت، اقتصادي او ټولنيز پرمختګ او د عامو افغانانو د هوسا ژوند لپاره د طالبانو مهمه لاسته راوړنه بولي.

د کابل ښار سوداګر او اوسېدونکي هم د اسلامي امارت په راتګ سره خوښ دي او وايي چې اوس په ښار کې د ارامۍ احساس کوي او د غلو، انسان تښتونکو او نورو مشکلاتو وېره يې ختمه شوې ده.

ورته لیکنې

ګډون وکړئ
خبرتیا غوښتل د
guest
2 Comments
زړو
نویو ډیرو خوښو شویو
Inline Feedbacks
ټولې تبصرې کتل
ګوم نام

وایاست وایاست درواغ په لو لو خیټو او لو لو ږیرو سخت خوند درسره کوی. تاسی پخوانی چارواکی ملامت کول چی دروغ وایی اوس درسره ډیر خوند کوی. خلک بوس نخوری ډوډوی خوری دا ستاسی د خره مارغه دی جی ټول ملت ته دوکه ورکوی

عبدالواحد اڅګزۍ

اَتَاْمُرُوْنَ النَّاسَ بِالْبِرِّ وَتَنْسَوْنَ اَنْفُسَكُمْ وَاَنْتُـمْ تَتْلُوْنَ الْكِتَابَ ۚ اَفَلَا تَعْقِلُوْنَ (44سوره البقر آیاب ۴۴.معنی: آیا حکم کوۍ تاسو خلکوته دنیکۍ او هیرکړی دی تاسوځانونه خپل اوتاسی طلاوت کوۍ دکتاب نوآیاتاسو عقل نلرۍ. ستاسوطالبانواوملایانوځځه خلک ملک پریږدی اودکمونسټانو(خلکیانواوپرچمیانوڅخه ملت خپل وطن پریښووۍ ایران اوپاکستان اونوروملکوته مهاجر سول تاسی دقرآنکریم په معنی نه پوهیږۍ هغه چه وایی زه په پوهیږم تعبیریی غلط کوی تاسودخلکوآزادی سلبوۍ هیڅوک حق نلری چه پر چاهغه حکم جاری کی چه په قرآنکریم کی حکم نوی سوی مثلآ : ږیره خریل ،موزیک ږغول اوهرهغه شۍ چه بل ته یی زررنه رسیږی،داټول داسلام دښمنانوپه تاسوزده کړی دی چه… نور لوستل »

Back to top button
2
0
ستاسو نظر مونږ ته دقدر وړ دی، راسره شریک یې کړئx
()
x