شعـــــرونه

زړه مات نه کړې/ فيضاني

رضوان الله فیضاني

د سنګر د انډيوال زړه چې مات نه کړې
پام د هېڅ يو هېوادوال زړه چې مات نه کړې

مينه وېشه، مينه اخله، مينه ورکړه
ستا د هر يو مينه وال زړه چې مات نه کړې

چې چاپه به وه نور خاص کوټه يې ستا وه
نن د هغه کليوال زړه چې مات نه کړې

کونډې، بورې، يتيمان او مظلومان ټول
دردېدلي دي ملال زړه چې مات نه کړې

له کړو وړو دې هېڅ وګړی خفه نه شي
د مؤمن او اسلامپال زړه چې مات نه کړې

هر نېک امر ته يې هو او لبيک وايه
د امير او ولسوال زړه چې مات نه کړې

غرور مه کوه د شکر سجدې وکړه
د دهقان او د کولال زړه چې مات نه کړې

(فيضاني) مخه يې پرېږده ښکار يې نه کړې
د کبلۍ او د غزال زړه چې مات نه کړې

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx
()
x