ټولنیزه برخه

دوې فرښتې/ له پنده ډکه کیسه

ژباړه: عطا محمد میاخېل

دوې مسافرې فرښتې د شپې تېرولو له پاره د یوې شتمنې کورنۍ کور ته ورغلې، دې کورنۍ له دوی سره نا مناسب چلند وکړ او دواړه فرښتې یې خپل مجلل مېلمستون ته پرېنښودې، بلکې د ځمکې لاندې سړ خونه یې د دوی په اختیار کې ورکړه.

زړې فرښتې د سړخونې په دېوال کې یو سوری ولیده او هغه یې جوړ کړ، کله چې ځوانې فرښتې ترې پوښتنه وکړه، چې ولې یې دا کار وکړ، هغې ځواب ورکړ: ټولې چارې لکه څنګه چې ښکاري هغسې نه دي.

بله شپه دواړه فرښتې د یوې بېوزلې خو مېلمه پالې کورنۍ کور ته ورغلې، له ډوډۍ خوړلو وروسته بېوزلې مېرمنې او خاوند خپله بستره دوی ته ورکړه.

بله ورځ سهار دواړو فرښتو ښځه او خاوند د ژړا په حالت کې ولیدل، هغه غوا چې شیدې یې د دوی د ژوند تېرولو له پاره یوازینې وسیله وه، په کرونده کې مړه شوې وه.

ځوانه فرښته په غوسه شوه او له زړې څخه یې وپوښتل: ولې دې پرېښودل، چې داسې یوه پېښه را منځته شي؟ هغې بلې کورنۍ خو هرڅه لرل او له دې سره سره تا ورسره مرسته وکړه، مګر دا کورنۍ خو هېڅ نه لري او تا پرېښودل چې غوا یې مړه شي.

زړې فرښتې ځواب ورکړ: کله چې موږ د هغې شتمنې کورنۍ د ځمکې لاندې په سړ خونه کې وو، ومې لیدل، چې د دېوال په سوري کې د طلا کڅوړه ایښې ده، دا چې هغوی ډېر حریصان او بد زړي وو، نو سوری مې بند کړ او طلا مې د هغوی له لید څخه پټه کړه.

پرون شپه کله چې د بېوزلې ښځې او نر په بستره کې ویده وو، نو د مرګ فرښته راغله او غوښتل یې چې د بېوزلې ښځې ساه واخلي او ما یې پرځای د هغوی غوا ورکړه. ټولې چارې لکه څنګه چې ښکاري هغسې نه دي او موږ کله وخت په ډېر ځنډ سره په دې ټکي باندې پوهېږو.

ورته لیکنې

ګډون وکړئ
خبرتیا غوښتل د
guest

1 Comment
زړو
نویو ډیرو خوښو شویو
Inline Feedbacks
ټولې تبصرې کتل
حبیب الله مختار

بی اساسه قصہ ده ددې پر زای باید ښه مستندی قصې ولیکل شی مننه

Back to top button
1
0
ستاسو نظر مونږ ته دقدر وړ دی، راسره شریک یې کړئx