شعـــــرونه

د اوښکو جرګه/ سعيد مل

سعيد مل

لېږلې مې ده تا لره جرګه د سپينو اوښکو
راوړې مې ده لپه کې اسره د سپينو اوښکو

د زړۀ له درده توی شوې په حسرت ولې روانې
ګریوان به مې کوله ننداره د سپینو اوښکو

دا راز و پکې نغښتی او له ورایه ښکاریدل
قبول کړه پاکه ربه دا یو څه د سپینو اوښکو

صفا له ګناهونو کړې د زړه توره صفحه مې
حضور لره دروړمه قافله د سپینو اوښکو

په توره نیمه شپه کې په سلګیو بدرګه وي
تـر عرشه وي روانې صدقه د سپینو اوښکو

پام ګـوره دوکـه نـشې په لذاتـو سعیدمله
په کار ده آخـرت لره تـوښـه د سپینو اوښکو

سعیدمل

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx
()
x