نړۍ

اسلامي دولت په سوریه کې پوځي لوا او عراق کې ښار نیولی

نن ټکی اسیا (پنجشنبه، زمري ۱۶مه ۱۳۹۳ل): اسلامي دولت نن سهار د سوریې د رقه ولایت په عین عیسی ښار کې «۹۳» ستره پوځي لوا نېولې.

همدا راز د عربي رسنیو د راپورونو په اساس اسلامي دولت په عراق کې د قرقوش نېولی دی.

الجزیرې تلویزوني کانال د اسلامي دولت د سرچینو له قوله لیکلي چې له سیمې څخه د بشار الاسد ځواکونو تښتېدلي دي او دوی ته يې لسګونو ټانګونو او د وسلو زخېرې پریښې دي.

دغې سرچېنې زیاته کړې چې دوی لسګونو سوريايي قومندانان، عسکر او ایراني جنګیالي چې په دغه «۹۳ لوا» کې اوسېدل نېولي دي.

اسلامي دولت همدا راز د دغې ۹۳ پوځي لوا د پوځي افسرانو کورونه تر هغې وروسته نیولي دي چې د بشار ځواکونه ترې وتښتېدل.

د ۹۳ پوځي لوا د ریف الرقه ولایت په عین موسی نومې ځای کې په ډيره پراخه  سیمه کې پرته ده. دغه لوا د ۱۷مې پوځي لوا لاندې کار کوي چې اسلامي دولت څه موده مخکې ونیوله.

دغه پوځي قرارګا کې شاوخوا ۴۰ ټانګونو، لسګونو عرادې «بي ام بي» پوځي موټر او د سپکو او درنو وسلو خورا زیاتې زخېرې موجودې دي.

قرقوش ښار د اسلامي دولت لاسونو ته پریوت

اسلامي دولت همدا راز په عراق کې د قرقوش نومې ښار نیولې دی.

دوی د نینوا ولایت د قراقوش ښارګوټی تر هغې وروسته ونیولو چې کرد ځواکونه په جګړه کې مات شول او سیمې ووتل.

قرقوش د موصل ښار څخه ۱۹ میله لرې د په جنوب ختيځ کې پرون دی.

اسلامي دولت د روان کال په جون کې موصل ښار ونیولو.

ټاګونه

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x
Close
Close