شعـــــرونه

د غم سندرې/ امین

امين وردګ

خوشالي نه وه خو د غم سندرې ښې ډېرې وې
سلګۍ وې اوښکې وې آهونه وو ګیلې ډېرې وې

هره ورځ غم، هره ورځ درد، هره ورځ ډکه له ویر
هره ورځ چیغې وې او کوکې وې نارې ډېرې وې

شونډې خفه، زلفې خفه، سترګې خفه خفه وې
زړونه خفه وو فاتحې وې جنازې ډېرې وې

خونې ژړل، پالنګ ژړل، وصال پر زړه سوری و
هجران مېلمه مېلمه ؤ ځکه چې چاپې ډېرې وې

غزل زخمي وه، بیت زخمي و، ټال زخمي زخمي و
نظم زخمي و ترانو ته اندېښنې ډېرې وې

امین به وچې شونډې ګرځېدو د ویر له لاسه
له یادو پېښو علاوه نورې کیسې ډېرې وې
۱۶/۱۱/۱۴۰۰ شنبه، خپل کور

ورته لیکنې

ګډون وکړئ
خبرتیا غوښتل د
guest

0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx