د اسلام او ديموکراسۍ ترمنځ اساسي توپيرونه«۱ برخه»

ډاکټر عبدالرحمن شهيد زاده

دا چې يو شمېر کسان د اسلام او ډيموکراسۍ/جمهوريت ترمنځ په اساسي نقاطو نه پوهيږي، يا که پوهيږي ځان نه پوهوي، په دې پار مې وپتېيله ترڅو هغه څرګند بنيادي اختلافي موارد د اسلام او ډېموکراسۍ ترمنځ راټول او وسپړم.

لومړۍ:
اسلام بنسټ او اساس د الله جل جلاله د ذات او صفاتو کماليه د حقانيت پر عقيده ولاړ دی.

ډېموکراسي: بنسټ او اساس پر ولس باندې، مانا چې پر ولسواکۍ عقيده لري او د الله جل جلاله د حاکميت نظريه نه لري.

دويم: د اسلام سياسي نظام د الله تعالی نظام دی، چې پر ټولو کائناتو کې جاري او ساري دی، په هرڅه کې او په هر چا باندې د الله تعالی حکم چليږي، برابره خبره ده که په جامداتو کې دي او که په نباتاتو کې دي، که په مايعاتو کې دي او که په حيواناتو کې دي، ټول د الله(ج)په بيلا کيفه چمبه کې دي هيڅ شی ورڅخه وتی ندی.

ديموکراسي/ اوسنی مروج جمهوريت په کفري او ځينو اسلامي هيوادونو کې د کافرانو يو سياسي نظام دی، چې پر مادياتو قاٸم دی بلکې هيڅ ورپکې نشته، له حق او صداقت څخه خالي دي، د اخرت تصور پکې نشته، پر عقل او نفساني خواهشاتو ولاړ د ولسواکۍ حکومت دی، هر څه د عقل په تله تول کوي او محض سيکولر نظام دی.

دريم: اسلامي نظام د مسلمانانو له لوري جوړ کړی شوی نظام دی
جمهوريت: اوسنۍ بڼه جمهوريت د غرب چې په رأس کې يې امريکا ده؛ له لوري جوړ کړی شوی، مادي نظام دی.

څلورم: اسلام د ژوند مکمل هر اړخيز نظام دی او سياست د اسلام يوه څانګه ده، چې له همدې کبله له نورو اسلامي شعبو سره يو شان سياست هم ضروري دی، په همدې پار اسلامي سياست د اسلامي اخلاقي او روحاني نظامونو د ظوابطو پاپند دی.

جمهوريت يوازې يو سياسي نظام دی، د ژوند مکمل او هر اړخيز نظام نه دی چې له همدې امله ديموکراسۍ له اخلاقي او روحاني ظوابطو څخه بې پروا دی.

پنځم: اسلام اصطلاحي مانا د الله تعالی حکم منلو ته ويل کيږي، ځکه چې د اسلام لغوي مانا مطلق تسلېميدل دي.
جمهوريت: مروجه غربي ډوله جمهوريت د اکثريت په وړاندې سر ټيټول دي او د ناتوانه بنده ګانو د اکثريت د فيصلو منل دي.
نور بيا…