د اسیا جام سیالیو مهالویش په ډاګه شو
نن ټکی اسیا (شنبه، ۲۸ کب، ۱۴۰۰ل): د اسیا کرکټ شورا په کلنۍ ناسته کې چې د سریلانکا په کولمبو ښار کې ترسره شوه د اسیا جام سږکال سیالیو مهالویش په ډاګه شو.
په دغه ناسته کې د افغانستان کرکټ بورډ عمومي مدیر میرویس اشرف او اجرائیه رئیس نصیب خان په ګډون د اسیایي هېوادونو کرکټ بورډونو مشرانو ګډون کړی و.
د اسیا کرکټ شورا د اعلامیې له مخې، د اسیا جام سږکلنۍ لوبې به د اګست له ۲۷مې نیټې څخه تر ستمبر ۱۱مې نیټې پورې ترسره شي. په داسې حال کې چې کوالیفایر لوبې به د همدې میاشتې له ۲۰مې نیټې پېلیږي.
د یادې شورا د پریکړې له مخې د ۲۰۲۲م کال اسیا جام به د شل اوریزو په فارمیټ کې په سریلانکا کې ترسره شي.
بل لوري ته په یاده غونډه کې د اسیا کرکټ شورا مشر جی شاه د دندې موده تر ۲۰۲۴م کال پورې وغځېده، همدا راز د یادې شورا غړو کې هم هیڅ کوم بدلون رامنځته نه شو.
The Asia Cup 2022 (T20 Format) will be held in Sri Lanka from 27 August – 11 September later this year. The Qualifiers for the same will be played 20 August 2022 onwards.
— AsianCricketCouncil (@ACCMedia1) March 19, 2022
ددې سربېره په دغه غونډه کې د قطر کرکټ ټولنې ته چې له دې وړاندې یې دویمه درجه غړیتوب درلود، د اسیا کرکټ بشپړ غړیتوب ورکولو پریکړه هم وشوه.
د اسیا جام سیالۍ په داسې حال کې ټاکل شوي چې له دې جام وروسته په اکتوبر میاشت کې د شل اوریزو نړیوال جام په استرالیا کې ترسره کیږي.
د افغانستان کرکټ لوبډله تر اسیا جام پورې هیڅ نړیوالې لوبې نه لري، خو یو شمېر ملي لوبغاړي به د هند غوره لیګ لوبو کې ګډون وکړي.
د افغانستان کرکټ بورډ د ورکړل شوي مهالویش له مخې ټاکل شوې وه چې هندوستان به د روانۍ میاشتې په پای کې افغان لوبډلې سره سیالۍ وکړي، خو د کرکټ بورډ سرچینې وایي چې د آی پي ایل له کبله دغه لوبې ځنډول شوې دي.
باید وویل شي چې په وروستي ځل د اسیا جام سیالۍ په پنځوس اوریز فارمیټ کې په ۲۰۱۸م کال کې ترسره شوې وې، چې وروسته د کرونا او ځینو نورو لاملونو دغه سیالۍ وځنډولې.
AGM Update: The ACC Members unanimously decided that the tenure of Mr. @JayShah as ACC President and that of the Executive Board along with its Committees will continue until the 2024 AGM @BCCI @TheRealPCB @BCBtigers @ACBofficials @ThakurArunS pic.twitter.com/ah8FKIQ7D4
— AsianCricketCouncil (@ACCMedia1) March 19, 2022
