ټکنالوژي

د ټویټر له لوري د لیکنې اصلاح یا سمونې خبر، ایا رښتیا وړاندې کیږي که «اپریل درواغ» دي؟

نن ټکی اسیا (شنبه، ۱۳ وری، ۱۴۰۱ل): ټویټر د اپریل په لومړۍ نېټه په ناڅاپي توګه یو خبر خپور کړ چې دوی د خپرې شوې لیکنې اصلاح یا سمونې (ایډيټ) پر ځانګړتیا کار کوي.

دا خبر په ټولنیزو رسنیو ډیر ژر خپور او د تود هرکلي سره مخ شو او ټویټر کاروونکو یوه غوره ځانګړتیا وبلله. خو ایا ټویټر په رښتیا هم دغه ځانګړتیا وړاندې کوي که خلکو ته د اپریل فول په نامه د درواغو خبر ورکوي؟

د رویټرز خبري اژانس د ټویټر د یوه ویاند له خولې لیکلي چې «ټویټر تر دې دمه دغه خبر نه تاییدوي او نه یې هم ردوي».

له دې وړاندې ټویټر پر خپله پاڼه خبر خپور کړی و او لیکلي وو چې، «موږ د سمونې یا ایډیټ پر تڼۍ کار کوو».

ټویټر به رښتیا هم دغه په زړه پورې ځانګړتیا وړاندې کړي که به دا هم د نړیوالو په څېر د اپریل درواغ وي. خو باید وویل شي چې له دې وړاندې ټویټر دداسې ځانګړتیا وړاندې کولو خبر ورکړی و.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx