ادبي لیکني

لنډه کیسه – اوف !!!

لیکوال : رحمت الله حکیمي

د رومیانو له ټوکرۍ نه یې خو سا له ښو بېلول ، مایک په لاس یې سرته ودریدم ، دمایک سیوری یې په ټوکرۍ ولږیده ، په ځوړندو سترګو یې پورته راوکتل  سریې د ګنډو په سر رلاندې وځړو له ځانه سره یې وویل .

–    یره داشل دېرش ورځې خو مې ټول په توان خرڅ کړل ، په ورغږ مې کړل .

–    ماما کولی شئ دې پوښتنې ته ځواب راکړئ چې د انتخاباتو د پایلو ځنډ په تاسو او ولس څه اغیزه کړې .

–    ولې نه !

–    مهرباني وکړئ .

–    یارمحمد خان د خدای نظرخان زوی د کابل په ښار کې په کراچۍ کې رومیان خرڅوم ، داڅه وایې تاسو به یې اغیز دی که څه بلا نه بولی ، ټول خلک یې له کاره غوځولي ، دجنسونو بیې لوړې شوې ، پوره اویا منه رومیان مې خوسا شول همداسې نورپه سل هاوو خلک نجاران ، دوکانداران ، مزدورکاران ، نجاران ټول وی تا ناست دي ټول مې دې غږ واوري خبریاله !هسې مې روژه په  خوله ده ، زړه مې مه راتنګوه زموږپه خبرو خلک غوږ نه ږروي .

–    یارمحمد خانه ! تشویش مه کوه .

–    یره خبریاله ته به یې تشویش نه بولې ، چې د یوه رایې ډېرې شي بل وایي تقلب دی که څه شی وایي دا شوی ، چې دبل ډېرې شي بیاد دولت  کسان وایي دپنځوسوسره چې یو جمع شي هغه یې نه دي پوره کړي ورکوه یې خبریاله ! ترپوزې یې راوستلي یو دادخلکو په رایو ټاکل کیږي که دزور په رایه .

–    ښه یارمحمدخانه ته پرېږده دادغم خبرې رایه دې چاته ورکړه ؟

–    هاها لیونی یم ، اعصاب مې خراب دي .

–    ولې ته راتلونکی نه لري .

–    دڅه شي راتلونکی ، موږ دحال نه اوراخیستی ته راتلونکی راته غږوي ، دوی خپله داڅلور میاشتې په خپلو منځو کې اخوډب دی دوی به زما راتلونکی  څنګه جوړوي  ، بله دا چې تیره ورځ درایو صندقونو ته زموږ کاونډي تللي وو ، هغه هم پښېمانه وو .

–    ولې !

–    ویل یې چې زه به په اخرت کې د دې په خاطر شاهدي ورکوم که ښه شي هم ښه ترښه که نه جوړه به ورسره په اور کې سوځوم ، هغې دکلي اوکور خبر خو پرېږده .

–    په کلي کور کې څه خبرې دي .

–    هغوی وایي داانتخابات د اسلامي چوکاټ سره برابر نه دي ، یوکاندید هم ورته کاندیدنه ښکاري .

–    یارمحمده داڅه وایي ! دوی دکاندید دپاره کوم معیار لري .

–    په معیار معیار دې نه پوهیږم ، دوی هغه سړی ښه بولي چې په قرآن او سنتو برابر وي نه په راغلې ډېموکراسۍ ، ته وا خدای پاچاهي به داسې جوړیږي .

–    خبریاله ! یوه خبره مې واوره څو چې سیمه ، مرکز ، لوی او وړوکی ، خان او غریب  ، خبریال اومعلم په عمل کې لاالله الا الله  محمد رسول الله  په یوه خوله ونه وایي نه کاندید شته نه ارامي ، زه به هم خوشحاله وم ، چې زه رایه ورکوم هلته مې مسجد بمباریږي او زه به درای شما آینده شما پسې منډې وهم .

–    ښه یارمحمد خانه داچارواکو ته څه پیغام لري .

–    له پیغامه مې توبه ، خو دومره وایم ، چې ددغه غم څپلي اولس غم وکړئ د یتیم اوښکې وچې کونډې ته ټيکری ورپه سرکړئ ، دخدای (ج) په خاطر څلوېښت کلن په جنګ کې شوم ، ترګوره پورې په جنګ کې مه وړئ ، یوه شيبه ارامي راباندې وویني ،یوه شيبه د مور ژړا مه راباندې ویني ، یوه شېبه مې هغې موسکا ته پرېږدئ چې ماشوم یې خپلې مور ته په سوزني کې کوي .

–    نه نه یارمحمده ! هر څه به سم شي له تاسو مننه چې دخبرو کولو وخت مو راکړ.

خبریال په ځوړندیدلي سر له یارمحمده روان شو له ځان سره یې وویل هی هی  هی  ، دخبریال اخري حوسیلۍ له خولې وتی نه وو ، چې یارمحمد  په یبلو پښو منډې ورپسې وهي وایي
–    خبریاله ! وه خبریاله  اعلان پسې وکړه ټوکرۍ مې چا وړې ټوکرۍ مې چاوړې

پای

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx
()
x