چي په کاذبه خوله زما پرون او نن وهي/ بریالی

احمد بريالی

چي په کاذبه خوله زما پرون او نن وهي
په دوزخي سېلۍ زما جنت وطن وهي

د تېري ګرو پر مهال يې زما قلم خوښاوه
هغه سړي اوس د جګړې اور ته لمن وهي

د کفن کښ ارمان تر اوسه لا ختلی نه دی
پرون یې خلک ښخول نن يې کفن وهي

د چټلخورو امدادیان چې پر چټلو ګرځي
د شهدو عطرو سوداګر لار د ختن وهي

د غلامۍ درجه پَسته در ښکاره ده کنه
د سکه ورور ورته مغزی په کم ثمن وهي

د بلبلانو له ازاره به را خلاص سي کله
چي په لمبو د بهاري موسم چمن وهي

د راهزنانو غړي وتښتي په شاړو کي دا
پر هره لار چي پولیسي موټر هارن وهي

د بریالي احمد له قامه غیرتي زلمي به
لکه ابدال بابا د پښو لاري په تن وهي

احمد بریالی