شعـــــرونه

رڼا ماحول څخه ځي ځان تر تیارې وباسي/ عادل

نسيم شاه عادل

چې هر سړی له دې مالت ځینې پښې وباسي
له دې ګلبڼه د ګلونو جنازي وباسي

د زندګۍ په حلاوت باندې پوهیږي کله
رڼا ماحول څخه ځي ځان تر تیارې وباسي

پلوري د پلار نیکه هډونه او میراث ملګرو
ته وا پخپله د خپل ځان ځینې جامې وباسي

وطن مو مور ده پریښودل یې هیڅ آرام نه لري
څوک چې له دې دیاره تللي اوس توبې وباسي

دا د جنت په څیر وطن د پریښودلو نه دی
په حادثو ګير شي چې ځان له حادثې وباسي

ته د حالاتو په بدلون باندې بدلون ونه کړي
ورکیږي کله څوک چې ځان له دایرې وباسي

وعده د رزق د (عادل)ج د لورې شوې ده بس
داسې ونه شي چې څوک ځان له دی وعدې وباسي
نسیم شاه عادل

۱۴۰۱ /۲/۱

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx