ورزش

ليورپول د اروپا اتلانو ليګ پايلوبې ته لار وموندله

نن ټکی اسيا (چهارشنبه، ۱۴ غوايي، ۱۴۰۱ل): د انګلستان مشهور فوټبال کلب ليورپول هسپانوي کلب وياريال ته په ماتې ورکولو د اروپا اتلانو ليګ پايلوبې ته لار وموندله.

تېره شپه د ليورپول ښار په انفيلد لوبغالي کې د دواړو لوبډلو ترمنځ د نيمه پايلوبې دوهم ليګ ترسره شو، چې ليورپول په ۳-۲ بريا خپله کړه.

ددغې لوبې لومړۍ نيمايي کې وياريال لوبډلې په زړه پورې لوبه نندارې ته وړاندې کړه او ۲ ګولونه يې راوړل، خو په دوهمه نيمايي کې ليورپول د ۲ په بدل کې ۳ ګولونه راوړل او په مجموعي توګه يې په ۵-۲ بريا خپله کړه.

تېره اونۍ د نيمه پايلوبې لومړي ليګ کې ليورپول وياريال ته په ۲-۰ ماتې ورکړې وه.

بل لوري ته د UEFA چمپينز ليګ دوهمه نيمه پايلوبه نن شپه د انګلستاني کلب مانچسټر سيټي او هسپانوي کلب ريال مدريد ترمنځ په برنابيو لوبغالي کې د شپې په ۱۱:۳۰ بجې ترسره کيږي.

ددوی ترمنځ د نيمه پايلوبې لومړی ليګ مانچسټر سيټي په ۳-۲ ګټلی و، د دوهم ليګ ګټونکی به پايلوبې ته لار مومي او ليورپول سره به د مې په ۲۱مه نېټه مخامخ شي.

ورته لیکنې

ګډون وکړئ
خبرتیا غوښتل د
guest
1 Comment
زړو
نویو ډیرو خوښو شویو
Inline Feedbacks
ټولې تبصرې کتل
zainab noori

👍👍✌🙂

Back to top button
1
0
ستاسو نظر مونږ ته دقدر وړ دی، راسره شریک یې کړئx
()
x