لږ دمه شومه په مېنه د رجالو/ خيرخوا

لطف الله خيرخوا

لږ دمه شومه په مېنه د رجالو
معرفت حاصلومه د احوالو

دغازي وطن د ژڼو په لټون وم
چې ځان پوه کړم په روزنه د ملالو

څه نا څه همت ليده شو د مورګيو
حماسه وه په رګو کې د غروالو

تمه پرې ده د ښاري ژوند له اندازه
د خفګان دی ژوند او ژواک د کليوالو

د پتيالو فکر خپله لمن څاري
رقابت دی د پریوتو د کم سيالو

خواره برخه ده ارزښت بې ابه شوی
ژوند ډوب شوی په هوس کې د ارذالو

حوصله خيرخوا صاحبه را په کار ده
د کار وخت دی د سپين فکرو د خدای پالو

مېلوه/ د کمکي اختر پينځمه/ ۱۴۴۳
د خالص بابا ج.ــهادي مرکز