شعـــــرونه
راته وغواړه مورجانې مغفرت/ عادل
نسيم شاه عادل
راته وغواړه مورجانې مغفرت
چې نصیب مې ستا دعا شي هم رحمت
ته دعا د زړه له تله ما ته وکړه
ستا دعا کې دی د ټول جهان طاقت
ستا د پښو مچو کولو ته اړمند یم
ځکه ستا تر پښو لاندې دی جنت
ته ځولۍ د رحمتونو راخوره کړه
ستا ځولۍ کې دي دنیا او اخرت
که هر څو زه ستا نه ځار او صدقه شم
در به نه کړای شم بدل ستا د زحمت
زه عادل ستا د دعا په طمع ناست یم
چې محروم نه شم له دغه لوی نعمت
نسيم شاه عادل
