ډاکتر فاروق اعظم
حفيظ الدين پيرزاده
ډاکتر صیب د اوبو او انرژۍ وزارت ستر سلاکار ټاکل شوی!
په کارونو کې ورته له لوی څښتن څخه بریا غواړم، ولس ته یې ټاکنه په خیر بولم او ورته مبارکي وایم او د افغان حکومت دا نیک او پر ځای اقدام ستایم.
د ډاکتر صیب پوھې، شخصیت، تجربې او سپینې لمنې ته پر کتلو، ښایي دا ټاکنه یې له شان څخه وړہ وي خو ھغه ته پر څوکۍ د شخصیت جوړونې کیسه مانا نه لري.
ځکه داکټر صیب ھغه مھال افغان نړیوال فیگور و چې امارت لا نه و زرغون شوی!
ډاکتر صیب خاکسار او متواضع انسان دی، ھغه پوھیږي چې د الله رضا د ھیواد او ولس په خدمت کې دہ.
نو ځکه یې د اوبو او انرژۍ د محترم وزیر صیب وړاندیز په پټو سترگو ومانه.
ھغه پخپله لیکي:
“ زه سربيره پر دغه چي د هيواد لوی تعليميافته يم، ما دوه واره د وزارت دنده ترسره کړيده. د يو وزارت سلاکاري ظاهرا ډيره وړه چوکی ده. ما په دوه سببه دا دنده قبول کړه: يو داچي د انرجي او اوبو د وزارت محترم وزير جناب مولوي عبداللطيف منصور صاحب چي خپله مجاهد، د مجاهدي کورنی او ماته ډير محترم دي، په ډير اصرار څو واره غوښتنه راڅخه وکړه چي همکاري ورسره وکړم. ماته يي د خواهش ردول اسانه کار نه و. دوبم داچي افغانستان ته اوبه داسي دي لکه د خليج هيوادونو ته تيل. بلکي تيل ته بديل سته او اوبو ته نه. زه د يو مسلکي کس په توګه غواړم د هيواد په ګټه ددغه ملی شتمني او ستراتيحيکي وسلی څخه د لازمي استفادی په لار کي په هر مقام کي چي وي تر خپله وسه صادقانه خدمت وکړم. الله عزوجل دي ماته د دين، وطن او د کړيدلي ملت د خدمت توفيق راکړي. زه د جناب وزير صاحب د دغه حسن نيت قدرداني کوم او اميد دی د خدمت مصدر سم. و ما ذالک علی الله بعزيز “
امارت ته وړاندیز:
۱- ډاکتر صیب تر ما د امارت مشران ښه پیژني.
ھیله لرم چې علمي شخصیت او تجربه یې د کوم وزارت پر سلاکارۍ پورې محدودہ نه کړي بلکې له پوھې، تجربې، او نړیوال شخصیت څخه یې د ټول امارت په سویه اعظمي گټه پورته کړي
۲- د ډاکتر صیبه ټاکنه به بختورہ پیلامه وگڼو، حکومت ته راتگ به یې پر نیک فال ونیسو خو اوس د امارت له قدرمنو مشرانو څخه د دې لړۍ د غځولو ھیله لرو.
موږ د ډاکتر صیب په څیر ډیرې نورې ملي او علمي څیرې لرو، د بیلگې په توگه: استاد ډاکتر روستار ترہ کی، ډاکتر رمضان بشردوست، ډاکتر عبد الرحمان الفت، استاد عبد الستار سیرت، محترم عبد الوکیل متوکل، ملا صیب عبد السلام ضعیف، پوھاند محمد اسماعیل یون، ډاکتر فضل الھادي وزین، ډاکتر عبید الله برھاني، استاد ډاکتر ځلاند، ډاکتر عبد القادر ودان، محترم زرغون شینواری و امثالھم!
ښایي د دې علمي ھستیو ځینې یې له دولت سرہ په فروعاتو کې ستونزې ولري خو امارت ته د افغان شموله لوی کور په سترگو گوري، که علمي شخصیتونو او تجربو ته پر کتلو یې ورته د مناسب خدمت فرصت برابر شي نو دا به په ټوله کې د دین، ولس، او امارت په خیر وي او ھم به مو د غرب د ھغو نیوکو مخه ډب کړې وي چې وایي: امارت د قدرت انحصار غواړي!
جزاکم الله احسن الجزاء
_____________________________________
حفیظ الدین پیرزادہ
د مئ ۸/ ۲۰۲۲ م
لندن
زما دخوښی او په زړه پوری واقعیت بینانه لیکنه ده په واقعیت سره ښه لیکنه مو کړیده الله تبارک وتعالی داجرونه درکړی پدی عالی لیکنی سره په عمر موبرکت شه .
ولي يي وزير نه ټاکي افغان دي مسلمان دي او مسلکي دي وزيرملاصيب به په ديني علومو کي پوهه لري خوپه اوبو او برېښنا خو نپوهيږي دډاکټرصيب به ګوزاره ورسره ونشي۰
ښه لیکنه او پرځای ګمارنه ده. انشاالله چې قدم به یې نېک وي. د ښاغلي منصو د ګمارنې څخه تر اوسه مونږ په دې بریالي نشوو چې د بندونو او کانالونو د جوړونې یو انجنیر چې په دې برخه کې څلوېښت کلنه تجربه لري،(د کمال خان او سلما د بندونو ډیزاینر) د ښاغلي منصور په حضور باریاب کړو تر څو یو څو وړیا خو مهمې او حياتي مشورې ورکړي. نو اوس دې خدای داسې ونکړي چې اعظم صاحب هم په یوه دفتر کې کېنوي، چای به ورکوي، نوم به یې مشاور وي او نور هېڅ۰
مشاورولي،؟ بايد داسي مسلکي اوپه دين اووطن اشخاصوته کليدي رول ورکړل شي۰علماء دقدروړ دي خوپه ديني علوموبه پوهيږي د مولوي عبداللطيف منصورداوبواوبريښناسره څه؟