نړۍ

يو بل بريتانوي وزير هم له خپلې دندې استعفا ورکړه

نن ټکی اسیا (سه شنبه، زمري ۲۱مه، ۱۳۹۳ل): د يوې اوونۍ په ترڅ کې د بريتانيا د وزيرانو شورا يو بل وزير هم د حکومتي پاليسيو پر ضد له خپلې دندې استعفا ورکړه.

د بريتانيا د بهرنيو چارو وزارت کې د بهر ميشتو بريتانويانو د څار او خدمت وزير مارک سيمنډ هم د خپل حکومت د پاليسۍ پر ضد له خپلې دندې استعفا ورکړه.

څو ورځې مخکې د بريتانيا يوې بلې وزيرې سعيده وارثي هم د غزې په اړه د حکومت د پاليسۍ پر ضد استعفا ورکړې وه.

آغلې سعيدې وراثي ويلي و، چې د بريتانيا حکومت د فلسطيني ماشومانو د وژلو لپاره اسراييلو ته وسلې ورکوي.

وارثي وړاندوينه کړې وه، چې ډېر ژر به د وزيرانو شورا يو بل وزير هم له خپلې دندې استعفا ورکړي، مګر هغه مهال يې د مارک سيمنډ نوم نه و ياد کړی.

د بريتانيا د لومړي وزير ډيويډ کيمرون له دفتره په خپره شوې خبرپاڼه کې راغلي، چې مارک سيمنډ د يو شمېر عذرونو له امله له خپلې دندې استعفا ورکړې ده، خو د نوموړي استعفا د سعيدې وراثي استعفا سره هيڅ اړيکه نه لري.

 

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x