ټکنالوژي

د میتا نوي ډول مصنوعي ځیرکتیا کولای شي په یوه وخت کې ۲۰۰ ژبو ته ژباړه وکړي

نن ټکی اسیا (پنجشنبه، ۱۶ چنګاښ، ۱۴۰۱ ) د میتا نوي ډول مصنوعي ځیرکتیا کولای شي په یوه وخت کې  ۲۰۰ ژبې په دقيق ډول وژباړي. اوس په نړۍ کې تقریبا ۷۰۰۰ ژبې شتون لري، او ګومان کیږي چې میتا غواړي په دغو ټولو ژبو وپوهیږي، تقریبا ۶ میاشتې مخکې دغه شرکت خپله یوه لویه پروژه چې NLLB نومیږي پیل کړه او مصنوعي ځرکتیا AI  ته یې نوې ژبې ور زده کړې، تر څو وکولای شي په یوه وخت کې د نړۍ بېلابېلې ژبې یو بل ته وژباړي، د غه شرکت خپله لومړی لاسته راوړنه د NLLB _ 200  پر نوم اعلان کړه، چې کولای شي په یوه وخت کې  د نړۍ ۲۰۰ ژبې یو بل ته وژباړي آن د نړۍ  لږ مشهورې شوې ژبې لکه: لایو او کامبا  . د انګجت د راپور له مخې؛ میتا په یوه ویبلاګ پوسټ کې ویلي دي، NLLB- 200  کولای شي چې ۵۵  افریقایي ژبې په ښه  ډول و ژباړي.

دغه شرکت د خپل د خپل مصنوعي ځیرکتیا FLORES _ 101  ماډل باندې ویاړي، چې په وینا یې د مصنوعي ځرکتیا  تر نور پرمختللو ماډلونو ۴۴  سلنه غوره کار کوي او ۷۰ سلنه هندي او افریقايي ژبو باندې برلاسي لري. د دوو  ځانګړو ژبو ژباړه په خاص ډول چې انګریزي ژبه پکې نه وي، ژباړه یې مصنوعي ځیرکیتا ته ستونزمنه ده، ځکه ډېری دا سیستمونه د اینټرنیټي کتابونو پر ډیټا اتکا لري، کوم چې د زدکړو لپاره ترې ګټه اخستل کیږي. میتا شرکت هم د نورو غوندې د خپلې عمومي مصنوعي ځرکیتا لپاره پرېکړې کړې ده، چې  د  NLLB- 200  لپاره پرانستی متن وړاندې کړي او په نظر کې لري، چې هغو کسانو او سازمانونو سره ۲۰۰  زره ډالر مرسته وکړي چې د دغه ماډل په پراخولو کې مرسته وکړي. میتا شرکت په یوه ویبلاګ پوسټ کې ویلي؛ فرض يې کړئ، پر فسبوک د خپلې خوښې ګروپ ګورئ، او د لوګاندا (Luganda ) ژبې پوست درته مخته راځي نو د مصنوعي ځرکتیا پر مټ یې کولای شئ په یوه کلیک سره د خپلې خوښې ژبې ته واړوئ.

ورته لیکنې

ګډون وکړئ
خبرتیا غوښتل د
guest

0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx