افغانستانټکنالوژي

د ټولنیزو رسنیو کاروونکي: حکومت دې د دولتي پاڼو بندیز په غبرګون کې فیسبوک وتړي

نن ټکی اسیا (پنجشنبه، ۳۰ چنګاښ، ۱۴۰۱ل): وروسته له هغې چې د فیسبوک ادارې (میټا) د افغانستان دولت اړوند دوه رسنیو فیسبوکپاڼې په بشپړ وتړلې، د ټولنیزو رسنیو کارکوونکو له حکومت غوښتنه کړې چې په هېواد کې فیسبوک په بشپړ ډول وتړي.

د فیسبوک ادارې تېره ورځ د ملي رادیو تلویزون او باختر خبري اژانس فیسبوک او انسټاګرام پاڼې په بشپړ توګه وتړلې چې د افغانانو ترمنځ د غم او غصې لامل شوي او خلک له حکومت څخه د یادو شبکو بندولو غوښتنه کوي.

دوی وایي چې فیسبوک نه یوازې دولتي پاڼې تړلي، بلکې د ګڼ شمېر کاروونکو شخصي پاڼې یې هم په یوه نه یوه بهانه تړلي دي.

د ټولنیزو رسنیو کاروونکي په کلکه له حکومت څخه غواړي چې فیسبوک اداره تهدید کړي او د پاڼو تړلو په غبرګون کې دغه شبکه په ټول افغانستان کې وتړي.

د ملي رادیو تلویزون عمومي مدیر احمد الله وثیق پر خپله ټویټر پاڼه ویلي چې فیسبوک د ټولنیزو رسنیو اصولو او د بیان ازادۍ خلاف د ملي رادیو تلویزون پښتو او دري فیسبوک او انسټاګرام پاڼې د نا معلومو لاملونو له امله تړلې دي.

نوموړي زیاته کړې چې په دې تړاو یې د فیسبوک ادارې سره خبرې روانې کړې دي.

دوی له ټولنیزو شبکو کاروونکو غوښتي دي چې په ځانګړي پېل شوي کمپاین کې برخه واخلي او د ټویټر له لارې له فیسبوک ادارې وغواړي څو دغه پاڼې بیرته فعالې کړي.

ملي رادیو تلویزون زیاتوي، «څرنګه چې ملي راډيو تلویزیون يو ملي نهاد دی، د ملت غږ او د خلکو رسنۍ ده؛ له همدې امله باید اجازه ورنه کړل شي، چې  فیسبوک اداره د خلکو او هغه رسنۍ، چې تل د ولس غوښتنو ته پوښښ ورکوي، وتړي».

بل لوري ته د باختر خبري اژانس هم په خپله ټویټر پاڼه لیکلي چې فیسبوک یې پاڼه ورتړلې ده.

دغه شبکه زیاتوي، «باختر خبري اژانس د ۸۲ کلنو له مخینې سره د فیسبوک ادارې ټول اصول او مقررات په نظر کې نېولي او دغې ادارې یوازینۍ موخه د دقیقو، پروخت او هر اړخیزو خبرونو، راپورونو او مرکو خپرول دي».

یاده شبکه زیاتوي چې دوی د ملي او نړیوالو معیارونو سره سم خبرونه خپروي، «فیسبوک اداره پر ځای ددې چې د بیان ازادۍ او د افغانستان د خلکو له حق څخه انکار وکړي، باید خپلو ژمنو ته ژمن اوسي.

بل لوري ته امریکا غږ په یوه خپور شوي خبر کې ویلي چې فیسبوک د یادو پاڼو بندول د خپلې تګلارې خلاف محتوا خپرول بللې دي.

ورته لیکنې

ګډون وکړئ
خبرتیا غوښتل د
guest

6 Comments
زړو
نویو ډیرو خوښو شویو
Inline Feedbacks
ټولې تبصرې کتل
فرهاد

طالب ترډیره حده په پرتله ده اماراتو ، چین سعودی رسنیزه وو ازادیو ته قایل دی ده فيسبوک ده دی ظلم او نارواه پر
وړاندي بايد اسلامي امارت دارسنی په بشپړ ډول وتړی

مولوي نجیب الله زاهد

ولې درواغ وایاست د رسنیو کومو کاروونکو ویلي چې په افغانستان کې دې فیسبوک بندشي او که د بندولو لپاره یې پلمې لټوی گوره مه کوی که په افغانستان کې مو فیسبوک بند کړ دافغانستان نیمایی خلک به له رواني ستونزو سره مخامخ شي.

خوګياڼي

فيسبوک يوه شيطاني اله ده چې يواځې د شيطاني قدرتونو د مقاصدو د پاره جوړه او د اسلام او مسلمانانو خلاف چارې وضع کوى. بايد اسلامي امارت دغه فېسبوک په افغانستان کې بند کړي.

خوګياڼي

اسلامى امارت د امکان په صورت کې باید ازادي راډیو، امریکا راډیو، بي بي سي راډیو او داسې نورې غربي او شرقى راډیو ګانې چي د اسلام او مسلمانانو او د افغانستان اسلامي امارت خلاف شپه او ورځ خپرونې کوي وتړى. او د افغانستان تش په نامه افغانستان انټرنيشنل ټى وى او نور افغانى پرديپاله تلویزونى چينلونه وتړى. مننه

اسلم

ژر تر ژره يې وتړئ . فيسبوک هسی هم نور خپل اهمیت بایللئ فیسبوک یوه شیطاني پاڼه ده

طوطی

ښه بهانه ده فیسبوک هسی هم د طالبان خوښ ندی. خو زه وایم چی پر طالبانو دی ټویټر هم و تړل شی تر څو له ټولی نړی سره یی تعلقات ختم شی بیا دی بیغمه په پنجشیر کی قتل عام شروع کړی قاچاق او معادن لوټول خو هسی یو عادی کار دی.

Back to top button
6
0
ستاسو نظر مونږ ته دقدر وړ دی، راسره شریک یې کړئx