شعـــــرونه

تُخم یې وشینده په زړونو کې راشنه کړه مینه/ راشد

راشد مشفق

تُخم یې وشینده په زړونو کې راشنه کړه مینه
د نفرتونو پر نړۍ باندې خوره کړه مینه

چې د وحشت دهشت او کرکې نمونه ورکه شي
دومره یې عامه کړه او دومره یې خوږه کړه مینه

چې وي صفا لکه تر منځ چې وي د مور او ماشوم
داسي سپېڅلې داسي پاکه او ستره کړه مینه

د فحاشۍ او عریانۍ څانګې ترې و رژوه
په انوارونو رحمتونو یې درنه کړه مینه

د اور په غېږه کې یې ګل ځواني ایره ایره کړه
ط.ا لب ویدۀ اُمت ته دغسې ور زده کړه مینه

و مرور راشد ته نورې مرکې مه لېږه
ورته ثمن ورته لمن ورته جرګه کړه مینه

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx