نن ټکی اسیا (یکشنبه، ۲۹ لړم، ۱۴۰۱ل): وروسته له هغه چې د نړۍ شتمن کس ایلن ماسک ټویټر واخیست، له تېرو دوه کلونو راهیسې د بندیز سره مخ د امریکا پخواني ولسمشر ډونالډ ټرمپ حساب فعاله کړ.
ایلن ماسک تېره ورځ د ټرمپ حساب وروسته له هغه پرانیست چې نوموړي پر خپله ټویټر پاڼه له خلکو د هو او نه عامه رایه غوښتې وه.
ټویټر هغه مهال د ټرمپ اکاونټ حذف کړ چې د هغه پلویانو په ګانګرس ماڼۍ برید وړی و او خپل پلویان یې د ټویټر له لارې تاوتریخوالي ته هڅولي وو.
د ایلن ماسک پر ټویټر شاوخوا پنځلس ملیونه کسانو رایه کارولې وه چې ۵۱.۸ سلنه کاروونکو د هو او ۴۸.۲ یې د نه رایه کارولې وه.
The people have spoken.
Trump will be reinstated.
Vox Populi, Vox Dei. https://t.co/jmkhFuyfkv
— Elon Musk (@elonmusk) November 20, 2022
خو بل لوري ته ټرمپ ویلي دي چې هیڅ اړتیا نه لري ټویټر کې خپل اکاونټ بیرته پرانیزي.
نوموړي زیاته کړې چې اوسمهال لپاره ورته خپله رسنۍ (ټروت سوشل Truth Social) کفایت کوي او د همدې له لارې به خپله مبارزه مخ ته وړي.
