نظــر

استاد یاسر

حفيظ الدين پيرزاده
ما لا تر اوسه ورته شھید یا مرحوم نه دی لیکلی، مفقود او غایب ورته ویل ھم خوند نه راکوي.
زہ دا خبرہ د فقه الأسرة ( کورنۍ فقه ) د مفقود الأثر،او غایب د فقھي تعریفاتو له مخې نه کوم، ھغه دې قاضیان او مفتیان صاحبان وڅیړ‎ي!
زہ د خپل زړ‎ہ خبرہ کوم، د مومن د فراست خبرہ ، پخپل زړ‎ہ کې دننه د یوې داسې ھیلې، امید او ارمان خبرہ چې نه پوھیږ‎م د کوم ځای څخه په الھام اخیستنې یې تل د ھغه د حیات زیری را کړ‎ی!
ښه شو دې ورځو کې دا زیری د استاد د کورنۍ غړ‎یو ھم پر موږ‎ ټولو وکړ‎.

څه باید وشي؟
۱- د استاد د ازادۍ لپارہ په ټویټر کې کمپاین پیل شوی، باید لا یې نور ھم پیاوړ‎ی کړ‎و!
په فیس بک او نورو خواله رسنیو کې یې په اړ‎ہ لیکنې وکړ‎و، په راډیو او تلویزوني پروگرامونو او مرکو کې یې یادونه وکړ‎و او …..

۲- د استاد یاسر د کورنۍ غړ‎ي او مخلصین باید د غونډو، مجالسو، مظاھرو او ان لاریونونو له لیارې پر حکومت فشار راوړ‎ي چې د استاد پوښتنه وکړ‎ي!
غالبا د ۲۰۲۰ م کال اخري نیمایي کې یو ھیئت د قطر له سیاسي دفتر څخه د پاکستان په رسمي دعوت ھلته روان وو، ما د شخصي پیغامونو له لیاري د قطر ملگرو ته د استاد یاسر د پوښتنې یادونه کړ‎ې وہ، ھغوی ھم د استاد په اړ‎ہ د مالوماتو حاصلولو وعدہ را کړ‎ې وہ، خو ھغه مھال اما رت له یوہ حساس او نازک سیاسي حالت څخه تیریدہ نو د ډیر فشار وارِدول راته مناسب نه ښکاریدہ!
اوس حالات بدل دي، پر حکومت باید ولسي فشار راوړ‎ل شي تر څو لږ‎ تر لږ‎ہ د استاد یاسر پڅیر مشرانو د حیات او ممات په مسئله کې د مرموز سیاست څادر له ځانه لیرې کړ‎ي!
د استاد د کورنې غړي ‎او ورته نژدې کسان باید دا مبارزہ رھبري کړ‎ي، خو ھیله دہ د کوم سیاسي موقف د لاسته راوړ‎لو لپارہ ترې د وسیلې کار وانخلي!
۳- حکومت باید؛
الف: د تورلینگیانو سفیر احضار او د استاد د پریښودو غوښتنه ترې وکړ‎ي!
ب: د عفوې د نړ‎یوال سازمان، نړ‎یوالې ټولنې او نورو ذیدخله سازمانونو څخه د استاد په را خوشې کولو کې مرسته وغواړ‎ي!
ت: په پاکستان کې د افغان سفارت او نورو ممکنو لارو له لیارې د استاد دوسیه د پاکستان سپریم کورټ ته وړ‎اندې کړ‎ي، که پیسې ولگول شي، په پاکستان کې تکړ‎ہ وکیلان د مدني ټولنو فعالان، او ژورنالستان په دې اړ‎ہ پورہ مرسته کولای شي.
ج: د پاکستان علماء و ننگوي، او پر دې یې باوري کړ‎ي چې تر اوسه یې د پنجابي استبلشمنټ لپارہ دیني احکام او د شریعت تقاضاوې تر پښو لاندې کړ‎ې وې، خو که اوس د خپل مسلمان عالم، مجاھد، مھاجر او مبارز ورور په خوشې کولو کې کردار اداء کړ‎ي، نو د پھلا پاکستان تیوري یې نه متضررہ کیږ‎ي!
ج: په کراچۍ او نورو ځایونو کې له افغان مسافرو سرہ د پاکستاني امنیتي کسانو وحشي چلند او د منظور پښتین د تحریک او نورو پښتنو مرستې دا وښودله چې “ لاس مات شي، غاړ‎ې ته راځي” د وینا پر اساس، په دولتي سطحه ترې مننه وکړ‎ي او د استاد په راخوشي کولو کې ھم ورڅخه مرسته وغواړ‎ي!

۴- د دې کمپاین موخه د اما رت مخالفت نه دی بلکې کله کله حکومتونه پخپله غواړ‎ي چې رعیت د ولسي فشار له لیارې د دا رنگ داعیو د مخته وړ‎لو لپارہ زمینه سازي وکړ‎ي؛ ماته دا دوسیه ھم ھمداراز ښکاري ، که نه د استاد متعلقینو تر اوسه ولې سکوت کړ‎ی وو؟ خو موږ‎ ته مڼه پکار دہ، پر ونه یې کار نلرو!

۵- دې کې شک نشته چې افغانستان په وچه کې ایسار ( Landlocked) ھیواد دی، اقتصادي ستونزې لري او حکومت یې ھم له نړ‎یوالو بندیزونو سرہ مخ دی خو که بلې خوا ته وگورو، پاکستان تر موږ‎ په بدتر سیاسي او اقتصادي وضعیت کې قرار لري، موږ‎ د خپل وضعیت د ښه کولو لپارہ له پاکستان څخه بھتر بدیلونه په لاس کې لرو، نو ځکه په زغردہ وایم چې که د پاکستان دولت د ښه گاونډیتوب مسؤلیت نه اداء کوي، باید سفیر یې وشړ‎ل شي او بھرنۍ اړ‎یکې ورسرہ قطعه شي، ھغوی ھسې ھم افغان حکومت په رسمیت نه دی پیژندلی. د افغان حکومت جرئتمندانه اقدام، پاکستان د ھند له ویرې ھم لارې ته راولي!

۶- افغان دولت، باید پاکستان ته په دې اړ‎ہ دوہ بدیله مخې ته کیږ‎دي!
لومړ‎ی؛ امارت ته د استاد سپارل او که خدای مکړ‎ہ او بیا ھم خدای مکړ‎ہ شھید شوی وي نو د استاد مړ‎ی او د قاتل سپارل.
موږ‎ لله الحمد د شرعي نظام څښتنان یو.
که د شرعي نظام د تقاضا مطابق د لوگر، پکتیا او نورو سیمو په لوبغالو کې د حدودو او تعزیراتو پلې کول د شریعت غوښتنه وہ نو د استاد پر قاتل د قصاص د شرعي حکم تطبیق ھم د شریعت غوښتنه دہ.

راځئ! موږ‎ ھر یو د استاد یاسر د خوشې کیدو لپارہ د خپلې وسې او امکاناتو مطابق ھڅې او کمپاین وکړ‎و.
پیغمبر علیه السلام فرمایلي:
والله في عون العبد ما كان العبد في عون أخيه. رواہ مسلم
ھمت مردان، مدد خدا
___________________________

حفیظ الدین پیرزادہ
د نومبر ۲۸/ ۲۰۲۲ م
لندن

ورته لیکنې

ګډون وکړئ
خبرتیا غوښتل د
guest

0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx