غزل هیواد ته!‎‎

محمد منیب احساس

د آزادی سپیڅلی لمر داسي ښکاریږي
لکه واوره په سپین غر داسي ښکاریږې

د تور تم او د وحشت شپه صبا شوي
سپین سهار دی معطر داسي ښکاریږې

ښکلی نظام د خدای رسول پکي پلي دی
ګلابي هیواد دی معتبر داسي ښکاريږي

ساتونکي ژمن دي د ګلاب وطن دفاع ته
کلک ولاړ دي په سنګر داسي ښکاریږي

ګله وطنه غیږه دي له ستورو ډکه شوي
جهادي زلمی لکه قمر داسي ښکاریږې

د جنګ میدان ستړي طالب ورته دمه کړي
چناره خوشبوداره او نښتر داسي ښکاریږي

له ښاره لوړ د غرونو د وګړو قدر وکړی
تم ځای د مجاهدو بختور داسي ښکاریږي

په خایست به دي هیواده د غزلو کتاب لیکم
کړی دي منیب باندي اثر داسي ښکاریږي