د ښځو کار او تحصیل

حفيظ الدين پيرزاده

ځینې مسائل د ځنځیر د کړ‎یو په څیر په یو بل پسې تړ‎لي وي، لومړ‎ۍ یې د دویمې د پایښت او دویمه د دریمې د ثابت پاته کیدو لپارہ حتمي وي. چې بیا ھمدا د کړ‎یو تسلسل یو مضبوط ځنځیر جوړوي.
زہ په افغانستان کې د ښځو کار او تحصیل ته د ھمداسې یوہ ځنځیر د لومړ‎ۍ کړ‎ۍ په سترگه گورم او وایم:‎
که ښځو ته د کار او تحصیل اجازہ ورکړ‎ل شي، نو؛

۱- گیله من ولس به خوشاله او د امارت سرہ به یې پیدا شوی واټن کم شي.

۲- د امارت متضرر شوی کورنی مشروعیت به بیرته ورغیږ‎ي.

۳- د امارت د مخالفینو لخوا به په ولس کې د ځالو جوړ‎ولو احتمال له منځه لاړ‎ شي.

۴- غرب او نورہ نړ‎ۍ به تر یوہ حدہ د اخلاقي اجبار له مخې افغانستان په رسمیت وپیژني، ځکه نه پیژندلو ته به یې کوم مبرَر موجود نه وي.

۵- افغان حکومت به وتوانیږي له نړ‎یوالې ټولنې څخه د تریاکو او نورو مخدرہ موادو د مخنیوي په مقابل کې امتیازات تر لاسه کړ‎ي.
‏‎
۶- افغانستان به د نړ‎یوالې ټولنې یو محترم غړ‎ی شي.

۷- په غربي میډیا کې به د امارت پخلاف، د حاکمې جگړ‎ہ ایزې فضا وریځې، تَتې شي، زھرجن تبلیغات به کم شي، چې په نتیجه کې به یې د ھمدې رسنیو لخوا د ااا ھغه تصویر چې ھغوی د خپلو ولسونو په ذھنونو کې ترسیم کړ‎ی، خپل ځای نسبتاً یو بھتر تصویر ته پریږ‎دي.

۸- افغان دولت به وتوانیږ‎ي چې د نړ‎یوالو قوانینو په رڼا کې د امریکا او ناټو لخوا پرې د تپل شوې شل کلنې جگړ‎ې تاوان وغواړ‎ي.

۹- افغان حکومت به وتوانیږ‎ي چې ھغه مجرمین، داخلي/بھرني چې په افغانستان کې یې بشري ضد جرمونه تر سرہ کړ‎ي، د گریوانه ونیسي او د جرائمو نړ‎یوالې محکمې ته یې را کش کړ‎ي.

۱۰- د افغانستان کنگل شوې شتمني به ازادہ شي.

۱۱- افغان حکومت به د دوہ یا څو اړ‎خیزو معاھدو او نړ‎یوالو قوانینو په رڼا کې وتوانیږ‎ي چې د غلو، مفسدینو او ملي خاینینو لخوا لوټ شوې شتمني بیرته ھیواد ته راوړ‎ي.

۱۲- ھیڅ دولت به و نه شي کولای د افغانستان دښمنان پخپله لمنه کې وساتي او یا کم تر کمه پخپله خاورہ کې د سیاسي فعالیت اجازہ ورکړ‎ي.

۱۳- زموږ‎ د اوسني پرمختگ گراف به دوہ چندہ لوړ‎ شي، ځکه ښځه زموږ‎ د ټولنې نیمه او یا تر نیمې ھم زیات نفوس تشکیلوي

دا او دیته ورته نورې ډیرې گټې ھم شته.
ښځه د انسانیت د بقا ضامنه دہ.
پښتانه په عامیانه اصطلاح کې ښځه کورودانه بولي او افغانان په مجموع کې افغانستان خپل کور ! دا ستر کور پر ښځو ودان دی، بې کور ودانو د دې کور وداني متصورہ نه دہ!
د ښځو د شرعي حقوقو ( کار او تحصیل ) په وړ‎اندې محدودیتونه وضع کول په حقیقت کې د نیمې ټولنې د فلجولو په مانا دہ!
امارتي چارواکي باید د امارت د بقا او د انزوا څخه د را ایستلو لپارہ چې څومرہ ژر کیږ‎ي د ښځو د کار او تحصیل په مخکې پراته خنډونه ُلرې کړ‎ي! ھمدغه شرعي لار ھم دہ!
والله المستعان
___________________________

حفیظ الدین پیرزادہ
د مارچ ۲۰/ ۲۰۲۳ م
لندن