مالیې وزارت روژې میاشتې ته د درناوي په پار د لومړنیو خوراکي توکو محصول کم کړی

نن ټکی اسیا ( یکشنبه، ۶وری، ۱۴۰۲ل): مالیې وزارت روژې میاشتي ته د درناوي په موخه د لومړنیو خوراکي توکو محصول کم کړی دی.

د مالیې وزارت ویاند احمد ولي حقمل وایي چې د روژې مبارکې میاشتې د درناوي، د نرخونو لوړېدو مخنیوي او هیوادوالو اقتصادي وضعیت ته په پام سره یې په شپږ قلمه خوراکي توکو ګمرکي محصول را کم کړی دی.

د حقمل په وینا، شپږ قلمه خوراکي توکو ( کچالو، بېنډۍ، رومیان، مڼې، هندواڼې او خرما) باندي ګمرکي محصول له ۱۷ سلنې څخه تر ۸۰ سلنې پوري را ټیټ شوی دی.