نایجریا: په ټاکنو کی درغلیو دنایجریا مسلمانه ټولنه سخته په قهرکړیده

(نن ټکی اسیا اپریل ۲۰۱۱/۱۹) تیره ورځ چي کله دټاکنو دکمیسون له لوري په ټاګه شوه چي دنایجریا عیسایی مذهبه مشر ګوډلاک جوناتن په ټاکنو کي غوڅ اکثریت ترلاسه کړیدي، دټاکنو دکمیسون له اعلانه سره جوخت دهیواد په شمال کي چي اکثره وګړي یی مسملمانان دي دکیمسون دپریکړي مخالفت وکړ، اوپه پراخو مظاهراولاریونونو یی لاس پوري کړ، له سیمي څخه دبی بی سی خبریال خبرورکړي چي وروسته مظاهرو اولاریونونو خونړی شکل اختیارکړ. دسره صلیب دنړيوالي کمیټي کارکونکي وایی دپولیسو اومظاهره کونکو ترمنځ په اخ وډب کی په لسګونو خلګوته مرګ ژوبله اوښتي ده، دهیواد په شمال کي دکانو اوکاډونا په ښارکي چيري چي دتیلو پراخي زیرمي موجودي دي دجوناتن دیو عیسایی مذهبه کاندید کور دمخالفي ډلی ترسخت ګذار لاندي راغلیدي، له سیمي څخه عینۍ شاهدان وایی دخلګو دجمهوري ګوند مشر په کورکي نه وو خو دبرید کونکو له لوري یی کورته زیات زیان اوښتي دي، اوهمدارنګه په ښارکي دجوناتن دپلویانو له لوري ځوړند شوی عکسونه راوغوځول شول، دجوناتن عکسونو ته ور واچول شو، دشپی ترناوخته پوري په ښارکي دمسلمان کاندید بوهاري پلویان له لرګیو او چاقوګانو سره ګرځیدل ناري یی وهلي بوهاری یواځي بوهاری، تیره شپه دپولیسو اومظاهره کونکو ترمنځ دنښتوخبرهم ورکول شوی وه پولیسو مخامخ پرمظاهره کونکو ډزي وکړي، مظاهره کونکو په شمال کي دشمال دمرکزي ښارزندان تربرید لاندي راوستي ډیري زندانیان یی راخلاص کړه، یو وکیل چي له خپل موټرچلونکي سره یوځاي پر سړک روان وو وایی مظاهره کونکو هرهغه څوک چي ددوي په نظربه د شمال نه مالومیدي تربرید لاندي راوستي، نوموړی زیاته کړه یوه ډله ځوانان چي چړي اولرګي یی په لاسونه کي نیولي وو زمونږ موټرته اشاره وکړه چي ودرییږي، خوما خپل موټر چلونکوته وویل موټرمه دروه اوکوښښ وکړه چی ځان وباسی، خوبیاهم مونږتربرید لاندی راغلو اودموټر هنداری یی راته ماتي کړي، مونږته یی کوم زیان ندي اړولی.

دنایجریا له پلازمیني څخه دبی بی سي خبریال خبرورکړيدي، چي تراوسه پوري لا دحکومت دمخالفي ډلي مشر ښاغلي بوهاري دي ته تیارندي ترڅو دټاکنو پایلو ته غاړه کښیږدي، خو نوموړی دسخت کورني اوبهرني پشار له کبله کیداي شي ډیر ژرماتي ومني اوخاموشی اختیارکړي. له بلي خوا په نایجریا کي دګټونکي ډلي عیسایی مذهبه مشر ګوډلاک جوناتن، دمخالفو ډلو پرټولو مشرانو ږغ کړیدي ترڅو له خپلو پلویانو څخه وغواړي چي به هیواد کي له ګډوډی اوافراتفري څخه لاس واخلي، په هیواد کي ددایمي امن پرمختیا اوخوشحالي لپاره له ګټونکي ډلي سره څنګ پرڅنګ کاروکړي، نوموړي زیاته کړه هیڅ یوسیاسي مشر حق نه لری چي هیواد کي دخپلو ناسمو ارادو لپاره دولس وینه تویه کړي، تیره ورځ دنایجریا دټاکنو کمیسون اخرنئ پایلي اعلان کړي، چي په هغه کي  عیسایی مذهبه کاندید ګوډلاک جوناتن ۲۲.۵ ملیونه رایه او دهیوادبه شمال کي دفوځ پخواني جنرال اومسلمان کاندید محمدو بوهاري ۱۲.۵ملیوه رایه وړیدي، خو دمسلمان کاندی محمدو بوهاري له لوري دکمیسون دپریکړي مخالفت شویدي او وایی چي په ټاکنو کي پراخه درغلي رامنځ ته شویده.
شنونکي وایی دنایجریا په تاریخ کی دا اول ځل دي چي ټاکني دسویل دعیسایانو اودشمال دمسلمانانو ترمنځ غټ اختلاف رامنځ ته کوي، عیسایی مذهبه کاندید ګوډلاک جوناتن دهیواد په سویل کي او محمدو بوهاري دهیواد په شمال کی چیري چي اکثره ابادي یی مسلمانانو بااندی مشتملي ده ډیري رایی اخیستي دي دهیوادشمال ته څیرمه په مرکزی برخه کي چيري چي ډیری وګړي یی مسلمانان دي دواړو کاندیدانو یو شانتي رایی اخیستي، خومسلمان کاندید محمدوبوهاري پرمخالف کاندید باندي ددرغلي تورلګوي اودرایو پایلی نه مني، په نایجریا کي خلګ دهیواد دمسایلو دحل اویا دسیاست پربنیاد چاته رایه نه ورکوي، بلکه خلګ دقومیت اومذهب پربنیاد کاندیدانو ته رایه ورکوی.
بخت الرحمن بخت……………..نن ټکی اسیا