شعـــــرونه
نه غواړم/ حفيظ الدين پيرزاده
حفيظ الدين پيرزاده
کور د خپل دښمن ھم خراب نه غواړم
نور دلته د وینو سیلاب نه غواړم
ډیرو ځورولی یم، کنځلی یم
عفوہ دہ له چا نه حساب نه غواړم
څو نسله مې تیر شول گردابونو کې
ستړی یمه بل انقلاب نه غواړم
بس دی، د اجرونو بله لار گورم
نور د چا وژلو ثواب نه غواړم
دا چې په پوښتنه سلگو ونیوہ
ما ویلې پوہ شوم، ځواب نه غواړم
مور او خور یې سَتر خپل عزت گڼي
زوی یې وایې دوی ته حجاب نه غواړم
دا ځل گاونډی به له مرۍ نیسم
دا ځل خپله خوا کې کولاب نه غواړم
حق مې دی که کوزہ پښتونخوا غواړم
زہ خو تور لینگي نه، پنجاب نه غواړم
ډیرې گیلې شته خو ام ا رت اشنا!
بې له تا نه بل انتخاب نه غواړم
غرب ته تښتیدلی د ډگرۍ خاوند
دا غلام صفته جناب نه غواړم
جوړ به مې وطن پخپلو مټو کړم
بیا د خیراتونو سراب نه غواړم
_____________
حفیظ الدین پیرزادہ
د اپریل ۳/ ۲۰۲۳ م
لندن
دوی ته پکار ده چی د تروریزم په نوم دوسیه ورته برابره او لس کاله ی بند کی واچوی دا برتانویان بریتانیا کی یو چاقو گرزول ممنوع او سزا یی بند ده او دلته دوی اصلحی گرزوی عجب بی کسه مملکت ورته خکاری .