شعـــــرونه

وطن ډک دى

شاعر: سید احسان الله الهام

موږ  پوره  يو بې  لتانه  وطن  ډک  دى
پښې  دي  سپکې کړه  ناځوانه  وطن  ډک  دى

دبې ننګو تل  بارشوي  دي  ترې  کډې
په  ننګيالو مو پرېمانه  وطن  ډک  دى

يو  دوه   نه  يو چي  تا وچيچل نو خلاص  شول
ډير يو ډير يو له  پخوانه  وطن  ډک  دى

دا  ټاټوبى حاجت   نلري   پردو ته
يرغلګر  ناورين   مهمانه  وطن  ډک  دى

څوك  قربان شول څوک بنديان شول  انقلاب دى
بيا هم كم  نه  يوله  چانه  وطن   ډک  دى

سپيني شناختې خړقبرونه  دي  وي  نخښې
پوره  کيږې   به   ارمانه  وطن  ډک  دى

كور په كور مو ستا يادونه  تكراريږي
د الهام   اسير جانانه  وطن   ډک  دى
2014/08/16

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx
()
x