روغتیا

پيراسيټامول صحت ته زيان رسونکي درمل دي

نن ټکی اسیا (یکشنبه، زمري ۲۶مه ۱۳۹۳ل:) طبي څېړنې وايي، چې ډېر او په بې پروا توګه کارېدونکي «پيراسيټامو» درمل انساني صحت لپاره ډېر زيان لري.

تر اوسه هم زموږ ټولنه کې خلک دا فکر کوي، چې پيراسيټامول يو ژغورونکي او له هر ډول ګواښه پاک درمل دي؛ مګر د اسټراليا «سډني» پوهنتون په ۱۶۵۰ ناروغانو شوې د يوې نوې څېړنې په ترڅ کې ويلي، چې پيراسيټامول محفوظ درمل نه دي او د معدې، زړه، ګردو، ځيګر او يو شمېر نورو روغتيايي ستونزو لامل ګرځي.

طبي څېړنه زياتوي، چې د پيراسيټامول په منفې اغېزو کې يو دا هم دی، چې کوچنيانو کې د ساه بندۍ او دماغي مرضونو لامل ګرځي.

ساينس پوهان وايي، دا خيال بايد له پامه وويستل شي، چې پيراسيټامول له هر ډول منفي اغېزو پاک درمل دي او تر خپله وسه بايد کم وکارول شي.

طبي کارپوهان وايي، چې د پيراسيټامول په ګډون هر ډول درمل بايد د ډاکټر په مشوره وخوړل شي او حمل لرونکې ښځې بايد د ورته درملو په خوړولو کې له بشپړ احتياطه کار واخلي.

ډاکټران وايي، چې د پيراسيټامول ډېر خوراک د زړه او ځيګر د له منځه وړلو لامل کيږي او د اړتيا پر مهال بايد د ډاکټر په مشوره لږ تر لږه وکارول شي.

 

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x