احترامه! د وجود غوښې دې لویږي/ عمرِي

محمد حسن جهادي عمري

احترامه! د وجود غوښې دې لویږي
احترامه! احترام دې لېلامیږي!

احترامه! ستا پولۍ ، پولۍ لاسونه
احترامه! خلګ ولې نه پوهیږي?

احترامه! بڼ دې څانګې، وانګې ښکاري
احترامه! بوی د مینې دې بدلیږي

احترامه! د غرور شمله دې لویږي
احترامه! زیاتي خوند دې خرابیږي

احترامه! د نفرت لپه کې مړ یې
احترامه! تمسخر درته موسیږي

احترامه! احترام ته دې ولاړ دی!
احترامه! جهادي درنه ځاریږي.

جهادي عمري