د افغانستان بانک رئیس هدایت الله بدري خپل کاري دفتر ته را ستون شو

نن ټکی اسیا ( چهارشنبه، تله۱۲مه، ۱۴۰۲ل)؛ د افغانستان بانک څخه په نشر شوې خبرپاڼه کې ویل شوي چې د افغانستان بانک رئیس ښاغلی هدایت الله بدري خپل کاري دفتر ته راستون شو.

خبرپاڼه کې راغلي چې د افغانستان بانک ذینفع شریکانو او درنو هیوادوالو ته ډاډ ورکوي چې د دغه بانک مشرتابه پلاوی په هر حالت کې د خلګو د خدمت، غوره مالي او بانکي خدمتونو د  برابرولو لپاره ژمن دی.

د ویلو ده چې ښاغلی هدایت الله بدري څه موده وړاندي هرات ولایت ته په رسمي سفر روان وه چې د لاري په اوږدو کې یې موټر چپه او نوموړی په یاده پېښه کې ټپي شو.