ټولنیزه برخه

اوبه

نیاز محمد فیضي

اوبه د الله ج له سترو نعمتونو څخه دي، د هر ژوندي موجود ژوند په اوبو ولاړ دی، که ووایو اوبه ژوند دی بهتره به وي، ځکه د انسانانو، حیواناتو، نباتاتو، حشراتو… لپاره خوراکي توکي هم اوبه برابروي، نو ځکه وایو، چې اوبه د ژوند سرچېنه ده، که چېرې اوبه نه وي ژوند نشته.

زموږ هېواد د ډېرو نورو هېوادو په پرتله ډېرې خوږي او د څښلو اوبه لري، چې دا پر موږ د خدای ج لویه لوروینه ده، نو موږ هم باید شکر ادا کړو او په مصرف کې بې پروايي و نه کړو.

دا چې زموږ زیاتره خوږې اوبه د غرو له چېنو، د ځمکې لاندې او اورښتونو څخه منځته راځي، نو د دغو اوبه په ساتنه کې د خلک او دولت ونډه ډېره اړینه ده، د خلکو مسولیت دا دی چې اوبه بې ځایه مصرف نه کړي، د مصرف لازمې سپارښتنې په پام کې ونیسي او له دولت سره د اوبو په مدیریت کې مرسته وکړي او د دولت مسولیت د اوبو زېرمه کولو لپاره ګټورې پروژې پلې کول، عامه پوهاوی، د ژورو څاه ګانو مخنېوی، د بارني اوبو تم کول، د اوبو د مصرف تګلارې جوړول او عملي کول.

تاسو پوهېږئ، چې اوبه ورځ تر بلې کښته روانې دي، د اوبه هغه زېرمې، چې د ځمکې لاندې دي، وچېږي او بېرته د ډکولو لپاره دومره اورښتونه نه کېږي، چې هغه زېرمې ډکې کړي، تاسې به لېدلي وي، چې په کلیو او ښارونو هغه څاه ګانې چې پخوا کېندل شوې، اوبه یې کمې شوې او یا وچې شوې، علت یې زیات مصرف او کم اورښت دی، نو دولت ته پکار دی، چې اقلیمي بدلون ته پوره پام وکړي او د پالیسیو په جوړولو او پلې کولو خپل مسولیت ادا کړي او خلکو ته هم پکار دی، چې د پالیسیو په تطبیق کې مرسته وکړي او ټول د راتلونکي په اړه فکر وکړي، څو په راتلونکي کې د خوږو اوبو له کمښت سره مخ نه شو.

په درنښت

ورته لیکنې

ګډون وکړئ
خبرتیا غوښتل د
guest

0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx