امیر امان الله خان او د اسلامي خلافت داعیه

د افغانستان د ۹۵یمې کلیز په ویاړ!

(لیکوال: عبد البصیر عتیقزی- کالم: امت! ): ډېری واقع‌بینانه تاریخ پوهان وایي چې د امیرعبدالرحمن خان د استبداد، ظلم او زور امارت ددې سبب شوی وه چې خلک هغه ته شا کړي او چې کله یې زوی امیرحبیب الله خان د جانشین په توګه د پلار پر تخت کېناست، نو د پلار د استبداد دورې دومره فرصت ورکړ چې تر یو څه وخته په آرام تېر کړي او دا ځکه چې د اعتراض او بغاوت عوامل یې ټول په مخ کې اېل ول. د امیر د زوجاتو تعدد، د سلطنتي دستګاه پراخوالی، د امیر د ښځو او اولادونو رقابت او سیالي او په ټیټه کچه د کورنۍ د غړو ترمنځه رقابت دا لامل شو چې امیر پخپله په همدې ډنډ کې لاهو شي.

په دربار کې ځینې داسې روڼ اندې څېرې وې چې غوښتل یې خپلواکي ترلاسه کړي خو امیرحبیب الله خان یې پدې لاره کې ستر خنډ باله. امان الله خان پداسې حال کې چې د امیر دربار له داسې جنجالونو او شخړو ډک وه، د زیرکې مور له لوري د مشروطه نظام د مفکورې سره یو ځای داسې وروزل شو چې د خپل پلار د تخت یوازنی مستحق وارث یې جوړ کړ. د پلار اعمالو یې لکه له خلکو لرې والی، د خلکو ژوند ته نه کتنه، د ملت په اړه بې‌پروایي او له انګلیس څخه په هر امر کې اطاعت هغه څه ول چې امان الله یې وهڅاوه تر څو د خپل پلار او نیکه برخلاف د تحول عقیده خپله کړي. د هغه چې کوم فکري مسیر وه په دربار او له دربار څخه د باندې په تغیرغوښتونکو خلکو کې منلی شو او همدا سبب وه چې د اردو او نظام ډېری غړي پر ده راټول شول.

امان الله خان د حکومت او ملت اساسي غوښتنې درک کړې وې او دا چې د خلکو او د ټولنې د بېلابېلو طبقو سره یې له نږدې ناستې کړې وې، پدې پوه شوی وه چې لومړی کار له انګلیس څخه د آزادۍ او استقلال اخستل دي.

هغه وروسته لدې چې تاج یې پر سر کېښودل شو په سریعو تحولاتو یې لاس پورې کړ او له ملت او خلکو سره په کړو وعدو پابند پاتې شو. امان الله خان چې کله له انګلیس څخه خپلواکي ترلاسه کړه نو په ټوله نړۍ کې د استعمار ضد د یوې نمونې په توګه راڅرګند شو او د مسلمانانو په منځ کې د برتانیې پر ضد د جهاد د سنګردار په توګه وځلیده.

پیکار پامیر، د ظهور و سقوط اعلیحضرت امان الله خان په کتاب، ۴۳ مخ کې د جوزف ګستیني تاریخ‌پوه له قوله لیکي؛ امان الله خان یو وطنپال، فعال او د خپلو خلکو د خپلواکۍ تږی وه. د حبیب الله خان دا دویم زوی چې اوس دېرش کلن دی د قوي معنوي ارادې او لویۍ څخه برخمن دی. زړوړ او لرلیدونکی شخص دی او اوس په یو لوی مسؤولیت او دندې چې د مسلمانانو اتحاد او اتفاق دی اخته دی.

همدارنګه د هغه په اړه د لیون پلادا چې د (اصلاحاتو او ۱۹۲۹ کال انقلاب) کتاب لیکوال دی د عبدالغني نامي له قوله چې امان الله خان ته نږدې پاتې شوی وه لیکي: امان الله دېرش کلن ځوان دی… د جالب شخصیت څښتن دی او پر خپلو اعصابو او ټولو حرکاتو حاکم دی. ډېر زیارکښ او کارکوونکی دی؛ د سهار له اتو بجو تر نیمې شپې پورې د هیواد په پرمختیایي چارو بوخت وي او یوازې درې ساعته وخت یې د غذا او لمانځه لپاره وقف کړی دی. روڼ ذهنه او له هر ډول تعصب څخه خالي دی او په سیاسي او ټولنیزو چارو کې مهم او د پام وړ مالومات لري.

د آتش در افغانستان کتاب لیکوال یه نال سټیوارټ، چې ژباړونکی یې یارمحمد کوهسار کابلی دی، لیکي: امان الله خان د عادي لباس په اغوستو سره سموارونو ته تللو او له خلکو سره به له نږدې کېناست. ډېری خلکو به نه پېژانده او که به چا وپېژانده هم نو غږ به یې نه کاوه. د خپل سلطنت پر مهال یې هم همدا کار کاوه.. له زندانه  به یې بندیان خوشې کول، سفریه به یې ورکوله او حتی خپله به زندانونو ته ورته او د عادي وګړو په فاتحو کې یې هم برخه اخستله.

د امان الله خان ټولنیز او مردمي شخصیت ددې باعث شوی وه چې هم په دربار او هم په ملت کې خلک پرې راټول شي. لکه څنګه چې مخکې مو یادونه وکړه اردو پرته له کوم جنجال او خبرې لده سره بیعت وکړ. امان الله خان د اسلامي نړۍ د وحدت پخاطر لوی کارونه ترسره کړل، او مختلفو اسلامي هېوادونو ته یې سفرونه وکړل او له هېواد مشرانو سره یې وکتل او پدې اړه یې د ټولو د توافق هلې‌ځلې وکړې.

محمد ولي پخپل کتاب (توطئه انګلیس در سقوط دولت اعلیحضرت امان الله خان غازي) کې د روابط خارجي افغانستان در نیمه اول قرن بیستم ـ ص ۱۱۳- ۱۱۴ په سند لیکلي: د امان الله خان کوښښ د یوه اسلامي امارت د رامنځته کولو په خاطر او هغه هم له هندوستان او عربي نړۍ څخه د انګریزي استعمار د له منځه وړو په موخه، په حقیقت کې د هغه اور غوښتل وه چې ده خپل ځان ته راوباله. د هند برتانوي حکومت په همدې دلیل د ۱۹۲۰ کال د نومبر په میاشت کې لندن ته داسې اطلاع ورکړه: موږ نور نشو کولای چې د امیر ټاکنه د امارت په مقام نالیدلې ونیسو، موږ پدې باور لرو چې مسلمانان سخت متعصبه او د یوه اسلامي خلافت د رامنځته کېدو پخاطر د امیرامان الله خان د خلیفه په حیث د ټاکل کېدو طرفدار دي. او هغه څه چې ددغه خلافت له امله امپراطورۍ ته پېښېږي موږ یې له پامه نشو غورځولی او د ډېرې اندېښنې وړ دي. ستاسو توجه دې خبرې ته راجلبوو او هر څومره چې ژر کېدای شي ددغه عمل د خنثی کولو پخاطر لاس په کار شئ.

همدغه لیکوال په بل ځای کې لیکلي دي چې: امان الله خان په عین وخت کې د ۱۹۲۰ کال په لومړیو کې وویل چې هغه له ټولو مسلمانانو سره د اسلامي خلافت په اړه غږېدلی دی او پکار ده چې مقدس ځایونه او اسلامي خاورې د مسلمانانو له لاسه ونه ووځي. همدارنګه د ۱۹۲۰ کال د فبرورۍ په میاشت کې افغان امیر اعلان وکړ چې شخصا ددې لپاره حاضر دی چې خپل ژوند د اسلامي خلافت لپاره قربان کړي.

امیرامان الله خان دا خبرې هسې د خولې خبرې ونه ګڼلې او عملاً یې کار پرې وکړ چې له هغې ډلې عملي کارونو څخه یې یو هم د هندوستان اعلانول د دارالحرب په توګه وه او د هندوستان ټولو مسلمانانو ته یې اعلان وکړ چې افغانستان ته هجرت وکړي او د افغانستان دولت به ورته د ژوندانه ټول سهولیات برابروي.

د امیر امان الله خان ددغه اعلان سره کېدای شوای چې د برتانوي امپراطورۍ ټغر له ټول ختیځ ـ هند څخه نیولې تر قسطنطینیې پورې ټول شي او په هر ځای کې یې پر ضد خوځښتونه پیل شي او دی د نائب الخلیفه په توګه وټاکل شي. او د ډېرو اسلامي هېوادونو ورسره دا خبره منلې وه. اکثره مؤرخین د امان الله خان د سقوط عامل د خلافت او اسلامي ویښتابه راژوندي کېدل بولي چې ده یې لوی ارمان په زړه کې ساته، او له ده څخه د انګرېزانو وېره له هغه لیک څخه ښکاري چې دوی لندن ته ددغو خوځښتونو په اړه لېږلی وه.

خو د انګرېزانو کاري لاس پرېنښود چې د خپلواکۍ غوښتونکو دغه بهیر د افغانستان له حدودو واوړي او پدې لاره کې یې په ځانګړې توګه له هغو مذهبي څېرو څخه کار واخست چې د انګرېز پر لټ اوښتل. انګرېزانو ډېرې زیاتې پیسې مصرف کړې او ددغسې خودفروشه پاسیف مذهبي څېرو له لارې یې فتواګانې صادرې کړې چې د امپراطورۍ مخالفین ملحدین او مرتدین دي. امان الله خان یې پخپلو جالونو کې ګیر کړ او د هغو هندي او افغاني علماؤ د فتواګانو ښکار یې وګرځاوه چې ددوی له همیانۍ ورته سکې څڅېدلې.

امیرامان الله خان تجدد خوښوونکی انسان وه او غوښتل یې چې ژوند د یوه قانون په چوکاټ کې تنظیم کړي. هغه غوښتل چې اسلامي نړۍ د برتانوي اشغال له جغ څخه وژغوري او پدې لاره کې یې لومړی له خپل کور او ملت څخه شروع وکړه. هغه د معارف او مطبوعاتو پراخوالي او زیاتوالي ته ډېره توجه کوله او دا دوه یې د ملت د راویښولو په لاره کې دوه عمده عوامل بلل. ویل کېږي چې یوازې د خوست اولس امیر ته ۷۰۰۰ زره روپۍ ورکړې ترڅو په هېواد کې پوهنه رایج کړي. هغه د سید جمال‌الدین افغاني رحمه الله خبرې په غوږونو کې ټینګې نیولې وې چې ویلي یې ویل، انګلیس په ختیځ کې د خپل حاکمیت او د استبداد او زور د حکومتونو د استقرار لپاره د خلکو له جهالت او نادانۍ څخه چې د خرافاتو په کندو کې ژوند کوي، ګټه پورته کوي.

د لومړي ځل لپاره امیر امان الله خان یوه عصري دولتي اداره رامنځته کړه چې د وزیرانو مجلس، د دولت د شوری مشورتي ناستې او عالي دیوان پکې شامل ول چې د ولایتونو کارونه هم د قانون له مخې مخته وړل کېدل.

د امیرامان الله خان پر ضد داخلي او خارجي توطئې دومره ډېرې شوې چې آخر کې یې حتی دومره نشول کولی چې دده پر ضد توطئه کوونکي هم مجازات کړي. قاضي عبدالرحمن د پغمان او معصوم مجددي (د صبغت الله مجددي پلار) په پکتیا کې د امان الله خان پر ضد د شورش لپاره له کابل څخه ولاړل خو هلته د پوځ له لوري ونیول شول او هغه وخت چې امیر په پغمان کې وو دوی دواړه یې لاس تړلي ورته راوستل. امیر د قاضي عبدالرحمن د اعدام حکم ورکړ او معصوم مجددي ته یې وویل چې په تندي کې دې د شمس المشایخ رحمه الله نور وینم او پرېږدم دې. همدارنګه د ننګرهار سردار عبدالقدوس خان اعتمادالدوله یې هم وباښه او محمدګل خان مومند چې د مشروطه نظام او رفورمونو مخالف وه، نه یوازې دا چې مجازات نشو بلکې له یوه ځایه بل ځای ته تبدیلیده او په صلاحیتونو کې یې هم ډېروالی راته.

امان الله خان د انګلیس د استخباراتي کړیو د چالونو او دسایسو ښکار شو او استعمار د هغه پر ځای داسې یو لااباله، مرغ‌باز او مړز‌باز کس راوست چې حتی د خپل وجود د هستۍ په هدف هم نه پوهېده. استعمار د هغه بودنه‌باز په وسیله نه یوازې دا چې د معارف مخه وتړله بلکې د پښتنو ۱۸۲ کلن سلطنتي نظام یې هم له منځه یووړ. دا غل او قطاع الطریق د سقاو زوی حبیب الله وه چې له دولت څخه د غلا او قطاع الطریقۍ په تور پاړه چنار ته تښتېدلی وه او هلته یې د لارې پر سر سماوار جوړ کړی وه.

غازي امان الله خان د عثماني امپراطورۍ له سقوط وروسته د یوه ریالیستیک خلافت د رامنځته کېدو ستر داعي دی. د هغه فکر، ریفورمونه او تحولات په هېواد او له هېواد څخه بهر د انګریزي امپراطورۍ د تاداوونو لپاره یو لوی ګوزار وه. هغه د اسلامي نړۍ درد درک کړی وه او غوښتل یې چې ددغه درد د آرامۍ پخاطر اسلامي امت یو کړي او په یو صف کې یې د استعمار پر ضد ودروي.

هغه پوهېده چې په سعودي کې د سعود د کورنۍ له لوري د وهابیت ترویج د عثماني امپراطورۍ د زوال زیری وه. انګرېزانو وهاب نجدي ته دومره پیسې ورکړې چې خلک یې پرې ورمات کړل او د سعود د کورنۍ له لارې یې په عوامو او قبایلو کې د نشنلیزم داعیې ته پکه ووهله. د قبایلو مشران یې په پیسو واخستل او په مکرر ډول یې د خلافت پر ضد پاڅون ته وهڅول. او همدا پاڅون ددې سبب شو چې په ټوله اسلامي نړۍ کې د خلافت پر ضد نشنلستیك تحریکونه زیږون وکړي.

امان الله خان غوښتل لدغې تشې پوره ګټه پورته کړي، خو په مخکې یې د ستونزو او خنډونو دومره لوی بحر راپورته شو چې غازي یې په ګردابونو کې ځان ټینګ نشو کړای. ویل کېږي چې د مفسدینو، بغاتو، او شورشیانو د مجازاتو په مخکې تر ټولو ستر خنډ دده مور وه چې ډېر اړو دوړ ېې نه غوښت چې رامنځته شي.

لیکوال: عبد البصیر عتیقزی – کالم: امت! – نن ټکی آسیا



یادونه: په نن ټکی اسیا کې لیکنې یوازې د لیکوال خپل نظر څرګندوي، د ادارې توافق ورسره شرط نه دی. که تاسو غواړئ نن ټکي اسیا کې مو لیکنه خپره شي، اړیکه راسره ونیسئ. مننه

16 تبصرې

  1. انګرېزانو ډېرې زیاتې پیسې مصرف کړې او ددغسې خودفروشه پاسیف مذهبي څېرو له لارې یې فتواګانې صادرې کړې چې د امپراطورۍ مخالفین ملحدین او مرتدین دي. امان الله خان یې پخپلو جالونو کې ګیر کړ او د هغو هندي او افغاني علماؤ د فتواګانو ښکار یې وګرځاوه چې ددوی له همیانۍ ورته سکې څڅېدلې.
    عتیقزیه د امان الله په لاس شهیدان شوي علماء به په اخرت کې د دې خبرو پوښتنه در نه وکړي. او بل مو د امان الله د اروپا دوره د ملکې ثریا د مخلوڅي تحریک او نور ریفورمونو هیڅ یادونه نده کړې؟؟؟

  2. هغه پوښتنی چه ځماپه زړه کی وی کټ مټsamandalصیب ذکرکړی دی زه ئی سل په سلوکی تائیدوم دغه تاریخی یادداښتونه چه ښاغلی عتیقزی ئی یادونه کړی مؤرخین ئی ټول انګریزی لیکوالان دی ځکه دمنلووړنه دی امان الله خان ته دغازی خطاب ورکول ستره ګناه ده

  3. زموږ ځوانان ډیر متلون الفکره دي یوه ورځ دومره مجاهد چې حجاج هم د مجاهدینو سرخیل بولي بله ورځ دومره ازاد خیاله چې امان الله خان امیرالموؤمنین کړي او بله ورځ بیا اتاترک ډیر تکړه او هیوادپرست لیډر بولي، آبله ورځ یوه همداسي رنګه ځوان ځوان لیکلي و چې له اتاترک سره خلکو ظلم کړی ده هغه ډیر ښه او تکړه مشر و !!

  4. ګرانه عتیقزیه، د امان الله خان په اړه دی معلومات داسی ښکاری لکه ټول دی د سیکولرو مورخینو او لیکوالانو له قوله نقل کړي وي. امان الله خان د اتا ترک په شان دانګریز نقشه عملی کړه بل کوم خاص بدلون یی ندئ راوستئ. د صبغت مجددی نیکه یی نشوو وژلئ ځکه چی د انګریز یوه کړۍ وه. لنډه په دی چی له دغو بی علمه امیرانو نه می نفرت کیږي چی قام او وطن ته یی هیڅ ګټه نده رسیدلی، بلکه د ملت په شتمنۍ یی ځانونه ساتلي او خپلی عیاشۍ یی کړي. زمونږ دنن ورځی دبدبختۍ مسولیت هم تر یو حده د دوی په غاړه دئ. دغو تش په نامه امیرانو ملت دومره د فشار لاندی نیولۍ وو، چی یو بودنه باز هم حکومت ورباندی کولای شوو. اوس هم د استعمار هر پلان ورباندی عملی کیږي. یوه بیلګه یی د انتخاباتو ډرامه ده چی د دو غلامانو په منځ کی رامنځته شوی.

  5. عتیقزی صیب مطلب مې دې ترپایه ولوست ملګرو په خپل وارسره تبصرې کړې چې ورور سمندر له خبرو سره موافق یم پرون ورځ رښتیا چې زمونږ په تاریخ کې ورځ ده ډیرې لیکنې پدې اړوند شوي تاسو خو له امان الله خان نه سم هیرو جوړ کړي او ځیني تکړه لیکوالان یې بیا بل شان رامعرفي کوي په همدې ویب پاڼه کې دښاغلي زمان مزمل لیکنه مې ولوسته چې دلیکنې په یوه برخه کې یې داسې راغلي (اميرامان الله خان په پيل کې يو دین دوسته او دینداره پاچا ؤ، ولې له ملکې ثريا سره د هغه واده (چې په شام کې د مسيحي مدارسو تربيه يافته وه) او د هغه په چاپېریال کې ځيني هندي شخصيتونه چې له انګليس سره دمخامخ دښمنۍ له مخې یې که امير له يوې خوا په سیمه ايزه کچه کاواکه سياست ته تشويق کړ، له بلې خوا يې د هند له انګريزي ماحول نه په تاثر افغانسان هغو روابطو ته تشويق کړ چې په ملت د هغه لیاره اوچته برابره شوه، دې او څه نورو عواملو امير امان الله د اجتماعي خطراتو پر هغې تنګې ورننويست چې نور هغه ته د ايټاليا د بې وطنۍ له ژوند نه نور څه پاتې نه شول.)

    http://www.nunn.asia/20992/استقلال،-پېښې،-شخصیتونه-او-تکرار-درسو/
    ښه نو اوس له تاسو محترم پوښتم چې ته رښتیا وایې که ښاغلي استا د ؟
    که ستا ځواب داوی چې استاد رښتیا وایی او امان الله خان یو بې دینه شخصیت وه نو بیامهربانې وکوه خپله خبره دې واخله او له لوستونکو بښنه وغواړه اوکه تاسو په حقه یاست نو مهرباني وکړۍ یوڅه دخپلو خبرو وضاحت وکوۍ.

  6. السلام علیکم ورحمةالله ملګرو : تقریبا د لومړي ځل لپاره په ان لاین رسنیو کی خپل پیغام وړاندې کوم ، ځکه چی دا شیان راته بلا غوندې ښکاري ملګرو ، سره له دې نه چی مسلک می دی .
    پورته تبصرو سره به خپل نظر داسی څرګند کړم عتیقزی صیب خو صحی خبره کړیده ملګرو دا د انګریزانو کتابونه نه ستاسو سبق دی دا ، دا د سکولونو ، مدرسو ، مکاتبو د خلکو اوماشومانو لپاره جوړشوی سبق او فکر دی ، دا کتابي خبره ده ، دی خبرې ته علم وایی ملګرو ،
    خو دا ګوره د نن زمانی علم دی ، تاسو د الله د کتاب دې مادې ته فکروکړی ،( یحرفون الکلم من بعد مواضعه ) ستاسو د افغانستان درسي نصاب څوک برابروي ، چی امان الله خان درته غازي خو حبیب الله کلکاني به خود غل وي ، تاسو د اففاني تاریخ صفحات مطالعه کړی ښکاره به درته معلومه شي له خیاله جوړشوی ، هیڅ پرګراف او جمله د بل سره تړون نه لري ، لکه عتیقزی صیب پورته یادونه کړیده ، چی نوموړي کلکاني سموار خلاص کړه ، هلکه د بادشاهی فکر چی لري هغه سموار نه خلاصوی ، بل تاریخ وای چی کلکانی غل دی ، بل ځای وای چی داسی ښه غل وو ، له مالدارو نه به یی پیسی غلا کولی او په غریبانو به یی تقسیمولی ، داقسم غل خو د کمال خاوند وی
    بل ځای تاریخ وای چی هغه ویل له دی وروسته به بل ځای ته دومره پیسي نه ورکوو ، بس جوماتونواو مدارسو ته بل مال ډیر ورکوو چی عبادت وشی ، ای خلکو داتاریخ نه دی بس د اصل مشرانو سپکاوی او د بی اصله مشرانو عزت او اکرام دی ، زه یوه پوښتنه کوم ملګرو چواب یی ضرور غواړم :
    سره له دې نه چی انګلیسان په لومړي او دوهم جهاني جنګونو کې کامیاب شول ، ولې یی د شهبازی سره سره دامنطقه په اسانه پریښودله ، باید نوره یی هم منګول کلکه کړای وای کنه ، ولې ؟ او که څوک وای چی جهادته دټینګی نه وو ، نو ولی بیا د دوی له تګ وروسته په اسلامي ځایونو کې د انګریزانو قانون غازیانو اوچټ کړی ، لکه ترکیه ، مصر ، پاکستان ، اوګورۍ د هغوی حال .

  7. درنو ورونو هر یو سمندر صاحب ، ملال صاحب،خلیل صاحب ، فولاد صاحب او نورو مسلمانو افغانانو ورونو السلام علیکم !
    که مسلمان په اسلامی نوم مسلمانیدلی ، تر نور محمد ، امین الله حفیظ ، نجیب ، حامد، اشرفغنی او داسی نور ښه اسلامی نومونه چیرته دی، ۰ (د ببرک نوم بی له هغی هم اسلامی نه وو) یا تر مصطفی کمال ، جمال عبدالناصر ، محمر القذافی او داسی نورو ښه ااسلامی نومونه چیری دی ؟
    د خلکو اسلام او کفر د هغوی له لیکنو او تبصرو په ډاګه کیږی، که یو سړی کفر کوی په هغه نه خوابدی کیږی چه زه ولی کفری کړنی ترسره کوم او یا د کفر څه وایم برخلاف که څوک ورته ووایی چه ته کافر یی سمدلاسه درته وایی تاسی ماته کنځل وکړو تاسی سره د کفر ټاپه ده په خلکو یی په حقه او ناحقه لګوی .
    امان الله خان به کفر کی تر ترکی ، امین ؤ کارمل ، نجیب کرزی او غنی ورهغه خوا وو او د مصطفی کمال سره خو ځکه نه مقایسه کیږی چه مصطفی کمال د لویدیز نشنلست وو او امان الله خان شرقی کمونست او نشنلست وو که ووایو چه د هغه په شان غلام وو سمه ده .
    لمړی افغانستان دری ځله خپلواکی له لاسه ورکړی اول د شاه شجاع ، دوهم د کارمل او دریم د کرزی او غنی دوروو کی دا دری کسان د انګریزانو او روسانو به ټانکو سپاره هیواد ته انګریزانو ، روسانو او بیا د انګرانو به واسطه راوړل شول او زمونږ به مظلوم اولس په زوره وتبل شول ، د امیر حیب الله او امیر عبدالرحمان وخت کی مونږ خپلواکی لرله، که مو نه لرلی هغوی به پاچاهان نه وو ، انګریزانو به پری حکومت کولو لکه په هندوانو چه یی حکومت کولو هر څه د انګریزانو په اداره کی وو .
    پس غازی نه جهاد کړی او نه غازی وو ، که غازی وی نو ترکی ، نجیب ، امین او کارمل تر ده اوچت غازیان وو مګر د روسی دجال جهادیان وو. برخلاف امان الله دترکی ، امین ، نچیب او امین په شان او یا تر هغو هم اوچت کمونست وو . د همدی امله یی لمړی په خپله میرمن او بیا په ټولو حکومتی مامورینو یی بقری او څادر لیری کړو ، له درسی نصاب یی اسلامی مضامین کم کړل او هغه کم یی هم بدل کړل ، ښکلی پیغملی له محرمو غیره اروپا او روس ته ولیږلی چه له امله یی وربسی مسلمانان راپاڅیدل او ویی شړو .
    بله ډیره لویه ګناه چه هغه کړی د همدغه تاج او تاخت د پاره یی خپل بلار په شهادت ورسولو ،
    تر ټولو بله لویه ګناه او خیانت چه یی کړی د پشتونخوا اچاره یی په مفته قباله بدله کړه او داسی نور
    دا چه عتیق زی ورته خلیفه وایی ، خلیفه به وی مګر د لینن خلیفه ، د الله ج خلیفه ، کمونستان چه په الله ج باور نه لری دورغ ورته څه شی دی ، د خپل ناموس پروا نه لری د پردو ناموس به ورته څه ارزښت ولری اصلا دغه افغانی اواسلامی فرهنګ سره په دشمنی کی دی هغوی وایی چه دین د ټولنو د پاره د نشه توکو مثال لری

  8. محمد نعیم سادات

    . استعمار همیشه کوښښ کاوه چی تر استعمار لاندی ملتونه همیشه د علم او علمیت څخه لری او په خرافاتو کی دا ملتونه ډوب وساتی . چی دا کار په نوموړو ملتونو د استعمار د راج چلولو ضامن وو .استعمار همیشه داسی کوښښ کاوه چی مسلمانانو ته داسی ذهنیت ورګړی چی ګواګی د علم زده کول یا د علمیت رامنځته کیدل دیته ویل کیږی چی کله د یوه ملت ښځی په بازارونو کی لوڅی ګرځی او یا هم زنا کول یو مشروع عمل حسابیږی او یا هم د شرابو څښل او نور فحشات ګواکی د علمیت نښی دی . دا کار دوی ددی لپاره کاوه چی زموږ د خلکو زړه له علم او علمیت څخه تور کړی دوی داسی غوښتل چی زموږ خلګ باید داسی فکر وکړی چی که موږ چیرته د علمیت خواته مخه کړو نو دا به دا معنی لری چی زموږ ښځی به زموږ څخه اطاعت نکوی یا به زموږ ناموس په بازار لیلامیږی .چی امیر امان الله خان هم همدا پروژه د استعمار لپاره زموږ په هیواد کی عملی کړه . امان الله خان د علمیت راوستل د نجونو او ښځو له سرنو د حجاب په لیری کولو شروع کړل او د علم په نامه یی ټول داسی پروپاګنډ شروع کړ چی زموږ د خلکو زړه یی د ډیر وخت لپاره له علمیته تور کړ . که چیری تاسی ورته وګوری همدا اوس هم د ددوی پاتی شونی همدا تبلیغ کوی . ډیموکراسی د خلکو لخوا د حکومت جوړولو ته وایی یا د خلکو حکومت ته ویل کیږی خو دا د امان الله بچوڼی خلکو ته داسی تبلغ کوی چی ګواګی ډیموکراسی د ښځو ازادی ته ویل کیږی . او که موږ د ډیموکراسی اصلی معنی یعنی د خلکو حکومت په نظر کی ونیسو نو دا خو معلومه خبره چی د طالبانو حکومت پخوا هم یو اولسی حکومت وو او په راتلونکی کی به هم دوی یو اولسی حکومت جوړوی .

  9. عبدالواحد اڅګزۍ

    عتیقزۍ صاحب الله دی په صالحانو کی حساب که دغه زموږ جاهلان چه هرڅه لیکی پروایی مه کوه هم د دغه جاهلانو اونادری کورنۍ علت دی چه نن افغانستان د دنیادپسپاترینو ملکو څخه دۍ زماخپل پلار دامان الله خان غازی په فوج کی ورسره وو په صفت یی نه مړیدۍ اولکه تاچه لیکلی دی سید جمال الدین هم دغسی لیکلی ووچه انګریزان دهندوانو نه بیریدل دمسلمانانو بیریدل دمنافقینو څخه یی دقرآن دسرچپه ترجمه کولو کارواخستۍ اومدرسی یی ورته جوړی کړۍ نن هم دغه تبلیغی مرکزونه چه په پاکستان کی جوړدی ورسۍ دجوړیدودمصرف پوښتنه یی وکۍ دادونه خرڅ چاکړۍ دۍ اودتبلیغیانو کتابونه وګورۍ دقرآن ضد نه دی،زمادمکتب ددوری اسلامی کتابون چه نصاب یی دامان الله خان غازی دوخت دۍ بهترین نصاب وو خوخلکیانوملحدینو دمنځه یووړ انګریزانو لوی کار دنادر څخه واخست زماپلار راته وویل موږپه غزنی کی وو نادر له پکتیاپر موږ حمله وکه – تراوسه ظالمان له حقیقته ناخبره دی،دادانګریزانو اودملحدینو کتابونه اوتفصیرونه دی چه نن په تمامواسلامی ملکوکی اوردجنګ بل دۍ چه بیرته ټول کتابونه له قرآنه سره مقایسه اوبرابرنه سی هیڅکله به مسلمانان دجنګ له اوره نسی خلاص

  10. اڅکزی صاحب ! فارسی کی یو متل دی وایی ( از ګپ ګپ می خیزد ) مونږ چه وخت نا وخت ستا بی اداری یا له کنتروله وتلی تبصری لیدلی حیران پاتی وو کله ښه مسلمان او کله بیا څه او څه جوړ شی د امان الله ، اتاترک د الجاد ترانی زمزمه کوی ، کله د مجاهدینو خلاف او کله بیا ځان مجاهد معرفی کوی ، همدا اوس خپل پلار د امان الله عسکر معرفی کوی زه نه پوهیږم چه د امان الله خان د پاجاهی له اوله به تر اوسه څومره کلونه تیریږی ، څلویښت کاله خو د ظاهرشاه د لیری کیدو تیر شول او څلویشت کاله ظاهر شاه پاچا څو کاله نادر او څه وخت دوهم حبیب الله د افغان ملتیانو خبره د سقاو ځوی او له هغه دمخه امان الله خان پاجا وو ، ستا پلار چه د عسکری او د امان الله خان باوری عسکر وو تر ۴۰ کلو خو به پورته وو چه عسکری او د امان الله خان شی کړنی یی په یاد وی یعنی کم او زیات یوی نیمی پیړی ته خبره رسیږی، لمړی ستا دا خبره له امکانه وتلی شکاری دروغ پکی له ورایه ښکاری .
    دوهم که ستا له خاطره یی رشتیا هم وګڼو تاسی چه له کوم پلاره څه زده کړی مونږ ته یی بیانوی ستاسی والد صاحب به ستاسی په شان مفکوره خامخا درلودله ، کیدی شی هغه له امان الله خان زده کړی وی ښه د ښو او بد د بدو صفت کوی . اوس مونږ ته ستاسی د ګډوډو ویلوو پته ولګیدله ، امان الله خان هم لینن په اوږه کړی وو ، یعنی د سجدی په ځای یی په اوږو کینولی وو چه روسانو د امیرحبیب الله په وزنه کی د امان الله سره مرسته کړی وه چه له امله یی امان الله د پاچاهی تاج او تخت تر لاسه کړو ، هم امان الله خان ته غازی ویل کیږی چه لمړی یی د خپلی میرمن او بیا د نورو افغانانو چه دده مامورین وو له میرمنو په زوره څادر لیری کړو له شوونځیو یی اسلامی زده کړی کمی او بدلی کړی ، دا معنی چه امان الله خان هم ستا په شان هم ښه مسلمان او هم ښه کافر وو ؟
    اڅکزی صاحب خوابدی نه شی ، یا دی مطالعه کمه ده ، یا بدمرغه یی او یا له نورو ملحدینو سره دی عقیده بدله شوی او که بله کومه پدیده درته بلا جوړه شوی . خوابدی نه شی مننه

    • عبدالواحد اڅګزۍ

      محترمه اول سلام اواحترام وړاندی کوم دوهم دپرون یوه لفظ(جاهلانو)معذورت غواړم هر څوک دخپل نظر حق لری زه دقرآن عظیم شان پر هدایت روان یم اوالله ټولو مسلمانانوته دحق بیانولوامر کړۍ دی چه یوبل ته یی زده کۍ داچه زه سوچه مسلمان یم رسول الله فرمایلی دی درواغ ویل دمنافق خاصه ده زمادپلار دامان الله خان دعسکرۍدریشی تراوسه پرته ده اوزماپلاردونه مسلمان ووده ویل زماپه ژوندکی زماڅخه دری لمنځونه قزاسوی دی اوهغه می هم بیرته راګرزولی دی په افغانستان کی ماته ډی دقدروړخلک:سیدجمال الدین افغان،خواجه عبدالله انصاری،رحمن بابا اوغازی امان الله خان دۍ ،ددی دنیاژون باوروکه ماته داسی معلومیږی لکه داوبوپرځګ چه سړۍ سپوروی :دادنیادمسافروکاروانسرای دی……څوک باریږی څوک پراړوی بارونه.زماپه نظر احمق به پدی دنیازړه تړی خپل پلاراومور یانیکه اوانادرپیادکۍ څه سول زموږهم دغه لارده که عقل ولرو.په احترام دپورته لفظ بیامعذورت غواړم

  11. یاره زه مو کانفیوز کړم

    امان الله خان چې خلافت جوړاوه نو د خپل ناموس پرتوګ او پړونی به یې نه لیرې کول.

  12. محمد نعیم سادات

    محترم غوربندی صاحب ، دا هغه وخت وو چی عثمانی امپراطوری د ړنګیدو په حال کی وه او مسلمانان له هری خوا د ځپلو لاندی وو چی په همدی وخت کی د مسلمانانو په منځکی داسی خبر خپور شو چی په افغانستان کی ځوان پادشاه انګریزانو ته ماتی ورکړی او نوموړی خبر د نړی د مسلمانانو په منځکی یو نوی امید را پیدا کړ . همدا وو چی د عثمانی ترکیی د لوړ رتبه نظامی افسرانو لخوا داسی ستراتیژی جوړه شوه چی باید په افغانستان کی یو نوی خلافت جوړ شی . په رښتیا هم په نوموړی وخت کی د افغانانانو لپاره ډیره ښه زمینه برابره وه چی نوموړی خلافت له افغانستانه شروع شی . ځکه چی په هغه وخت کی روسیه پخپلمنځی جګړه کی راګیره وه او پلان داسی جوړ شوی وو چی لومړی افغانستان مرکزی اسیا تر خپل نظامی قیادت لاندی راولی او کله چی هلته ځان ټینګ کړی بیا به د هند څخه د انګریزانو په شړلو پیل کوی . چی په همدی خاطر ترکیی څخه د عثمانیه خلافت د خلیفه زوم انورپاشا چی یوه تکړه نظامی منصبدار وو له خپلو نورو نظامی متخصیصینو سره افغانستان ته راغی . او همدا ډول د هند مسلمانانو او د نړی ډیرو نورو مسلمانانو دا ژمنه وکړه چی که چیرته امیرامان الله خان خلافت اعلان کړی نو دوی به بیعت ورسره وکړی او هر ډول مرستی کولو ته چمتو دی . امان الله خان دا خلګ د یو څه وخت لپاره په تمه پریښوده خو کله چی نوموړو خلکو ته معلومه شوه چی امان الله خان په پټه کی د انګریزانو سره لار لری او د هغوی پلانونه عملی کوی نو هغه خلګ هرڅوګ په خپله لاره پسی لاړل . مطلب دلته دادی چی دا د خلافت پلان د امانالله خان پلان نه وو بلکی دا پلان په عثمانی ترکیه کی جوړ شوی وو خو عملی نشو .

  13. د سادات صاحب خبره دی ته ورته ده لکه څوک چه ووایی ترکی صاحب ، کارمل ، کرزی او غنی صاحبانو خلافت راژوندی کوو په داسی حال کی چه ترکی او کارمل د کمونستی کرزی او غنی د دموکراسی الحاد بیرغ په اوږه کړی د روسی او امریکایی استعمار غلامیو ته که خلافت ویل کیږی بیا سمه ده .
    حیرانوونکی بیا دا ده مطالعه نه لری که د پورتنی فلسفی له ناولتیاوو متاثره شوی ، لکه د عتیقزی ملحد دلیکنو به شان تبصری لیکی یعنی ورته ویل شوی چه کله عتیقزی او د هغه په شان ملحدین لیکنه ولیکی طبیعی ده چه مسلمانان به ورباندی نیوکی کوی حقایق به خلکو ته بیانوی چه دغه زهریات د نورو سپیڅلو مسلمانو افغانانو د ناولتیا او ناروغۍ سبب نه شی دغو تبصره کونکو ته قومانده ورکول شوی اجوره ورکوی چه په اړه یی الحادی تبصری ولیکی .
    دا حقیقت دی چه دغه شیطانی او استعماری میدیا د دجالی استعمار تر واک او لاس لاندی ده یعنی څه رسنی یی ملکیت ، خینو ته رشوت او د نن ټکی اسیا په شان خپلواکو رسنیو ته بیا عتیقزی وارو په شان خلک لیکنی راولیږی او د نورو په شان نومونه به یی نه یادوم د عتیقزی د ناولتیاو د سپیڅلی ښودلو د پاره تبصری ولیکی چه له امله یی امان الله وارو ملحدین ښه مسلمانان خطا وځی.
    بوښتنه پیدا کیږی چه امان الله یا داودخان خو مړه دی د هغوی ښه یادونه یی امان الله او داود خان ته څه ګټه رسوی ؟
    ځواب : ملحدو پلویانو ته یی امان الله، داودخان ، اتاترک ، پاچاخان ، اجمل خټک او نور ملحدین مطرح نه دی د هغوی الحادی مفکوره ورته مطرح ده او د عین بادارانو له خوا چه امان الله ، داود ، پاچاخان ، اتاترک ، کارمل ، کرزی او غنی یی غلامان دی او په دغه الحادی فلسفو ( کمونستی ، نشنلستی ، کاپیتالیستی او سکولریستی ) یی ورله مغزونه او زړونه پریمنځلی دی د دغه لیکوالانو او تبصره کونکو زړونه او مغزونه یی هم پریمنځلی دی لکه هغوی چه اجیران او معاش خواره وو دوی یی هم غلامان او معاش خواره دی.
    پوښتنه : له دی کاره څه ګټه پورته کوی ؟
    ځواب : ګټه یی دا ده چه زمونږ مجاهد اولس په سلو کی سل او ډیر پیاوړی او عملی مسلمانان دی ، د امان الله له دوری تر اوسه هم انګریزان ، هم روسان او هم امریکایان هڅی لری چه دغه مجاهد اولس تعقیم کړی دغه د افغانیت ، اسلامیت او انسانیت د ایمان او مورال لوتیا او سپیڅلیتیا تری محوه کړی ، افغانستان د استعماری قدرتو د
    باره هدیره جوړه شوی ټوله نړی غلامه کړی کله چه افغانستان ته راوګرځی د شوروی اتحاد په شان یی رنګ او نوم بدل شی ، انګریزانو په باچاهی کی پرون لمر نه ډوبیدلو او نن یی سکاتلیند او ایرلند هم له لاسه ورکړل انګلیند ورته پاتی دی د هند له لویی وچی همدی افغانانو ( پټانانو ) وشړل سید جمال الدین وویستل او د هند د لوی وچی مسلمانانو د پتانانو به محکښی وویستل ، امریکایان د هماغو د برخه لیک سره مخ دی چه د ټولی نړی پرونی روسانو او انګریزانو سره په اشر راغلی . یعنی زمونږ د مجاهد اولس سره د امریکا په مشری د ټولی نړی غلامان او باداران په جنګ کی دی او د ماتو به درشلو کی قرار لری .
    ځکه د عتیقزی ، اڅکزی ، سادات او نورو به شان اجیرانو ته دندی ورکوی که په فکری جګړه کی څه لاسته راوړنه ولری او د اوړو پوزو ځانو ته جوړی کړی . ونه وایی تبرګی زه نه شوم غوځولی که یی لاستی زما له جنسه نه وی ، همدغه ملحدین دی چه په نړی کی د استعماری قدرتو پلانو او تصامیمو ته د عمل جامه وراغوندی . زړه کی می دغو بی لیارو او د افغان مجاهد اولس د شمنانو ته ډیر څه پراته دی ستونزه دا ده کشکی مخامخ مو لیدلی ، مګر طالبانو ته په انشاالله یوه ورځ په ډاګه شی د خپلو اعمالو په سزا به یی ورسوی . د دوی د ډالرو سیلابونه د خشکیو سره مخ دی دوی نور په روسی روبلو ، انګریزی پوڼدو او امریکایی ډالرو میکپ نه شی کولای، هغه چرګی مړی شوی چه د سرو زرو هګی به یی اچولی .
    امریکایان او انګریزان په تیښته کی دی ، دوی اوس د روسی ملحدینو ( امان الله ، غنی ، داود خان او پاچاخان ) لمنی نیولی فکر نه کوم چه روسان بیا زړه ښه کړی او نه هغه پرونی کمونست روسان پاتی دی مننه

  14. اڅکزی صاحب:
    د الله ج لویه پیرزونه هم دا ده چه استعماری قدرتونه پوهه ، با ایمانه او اوچت مورال کسان نه شی غلامی کی راوستلی ، کدو کریړه ، په نشه توکو روږد شوی، چه په خپلو مټو څه نه شی تر لاسه کولی تل د خاوری ، خلکو او خپلواکی په پلورلو د دین او خاوری له دشمنانو پیسی اخلی، په دغه بی غیرتیو او بی ننګیو بچیانو ته نفقه پیدا کوی تر غنی او کرزی نیولی تر اخری غلام همدغه حال دی ، هغوی چه په مقابل کی جنګیږی هغوی جاهلان نه دی ، جاهلان ناپوهانو ته وایی ، ناپوهان د استعمار په لومو کی لویدلی د خبلو خلکو په مقابل کی یی د ع او غ به شان کاروی. مسلمانانو ته جاهل مه وایاست ، امان الله خان ته جاهل ووایاست چه د لینن په قومانده یی خپل مهربانه پلار په شهادت ورسولو ، له افغانی سپیڅلو میرمنو یی حجاب لیری کړو ، سبیڅلی او ښکلی بیغلی یی له محرمو غیره روسی او اروپایی وحشیان ته یرغمل ورولیږلی څو میلونه ډالری به یی په دی کی تر لاسه کړی وی د افضل صاحب ، غوربندی صاحب او نورو مسلمانو پوهانو خبری تاییدوم او کفایت کوی ، مسلمانان پوهان دی جاهلان نه دی که جاهلان وی نو ستاسی په شان به یی پلرونو د امان الله خان ، کارمل ، کرزی او غنی عسکر ی کولی . مننه

  15. تبصره کونکی به پریږدو شیطانی قواریی یی نه ښکاری په مستعارو نومو خپلی ناولتیاوی شاربی ، دغه لوی منافق عتیقزی تصویر ته وګوری که دغه تصویر یی خپل وی زمونږ د مجاهد اولس د خطا ویستلو د پاره یی ښکلی ږیره پریشی ته به وایی جه دار الحفاظ اکوړه مدرسه کی طالب او یا فارغ شوی په داسی حال کی چه واسکت او سرتور سر یی بیا د خلقیانو او افغان ملتیان ( نشنلستانو ) دی.
    ما چه د ده تصویر ولیدلو ، الحادی لیکنه می ورله نه وه لوستلی فکر می کولو چه ده به د ملحد امان الله په اړه څه حقایق لیکلی وی ، ماته هر څه معلوم وو لیکنه می ورله ونه لوستله وروسته چه می د مسلمانانو تبصری او نیوکی می د ده به الحادی لیکنی ولیدلی پوه شوم چه دغه تصویر د اکوړی د دار لحفاط طالب نه دی د ماسکو او واشنګنټی دار لحفاظ له کمونستی او دموکراسی مدرسو د مسلمان نمایی تصویر دی جه زمونږ مجاهد اولس په خپلو ناولتیاو کی غرق کړی مغز شویی یی وکړی . چرګوړی پریږدی د چرګی پسی یی وګرځی د دوی په اړه الله ج لمړی فرمایی چه دوی د حیواناتو به شان بی عقله دی ، دا چه په کفارو کی خینی کسان شته څه ناڅه ښی کړنی لری مګر ځینی نور یی بیا په کفر سربیره منافقان هم دی لکه د عتیقزی په شان مسلمان نمایی کی د خلکو ذهنیتونه خرابوی په اړه یی لیکی چه دوی د هرزه ګیاه په شان ده چه له تاوانه غیره ګټه نه لری او د عتیقزی د بادارانو په اړه بیا فرمایی چه دوی اسفل سافلین دی یعنی روسان او امریکایان او نور دجالان د الله ج د ذلیله مخلوقاتو هم ښکته مخلوق دی یا په بل عبارت دوی به د دوزخ تر ټولو ښکته طبقو کی د عتیقزی او اڅکزی په شان غلامانو سره یوځای میلی کوی هغه ډالری چه اوس یی تر لاسه کړی د دوزخ له اوره په پری ځانونه ژغوری ؟

تبصره وکړه

ستاسو ایمیل ادرس به هیڅ کله نشر نه شي.