نړۍ
د غزې په اړه د اسلامي هېوادونو د مشرانو غونډه کې، په غزه کې په سمدستي اوربند ټینګار شوی
نن ټکی اسیا ( یکشنبه، لړم۲۱مه، ۱۴۰۲ل)؛ د اسلامي همکاریو سازمان او د عربي ټولنې غړو هېوادونو مشرانو د غزې په اړه له یوې ځانګړې غونډي ترسره کولو وروسته د غزې پر تړانګي د اسرائیلو بریدونه یو جنګي جنایت او غیر انساني کړنه یاده کړې.
یادو هیوادونو له نړیوالې ټولنې او د ملګرو ملتونو له امنیت شورا په غزه کې د اسرائیلو د پوځي عملیاتو د بندولو په موخه د سمدستي اقدام غوښتني سربېره یې له هغوی څخه غوښتي چې اسرائیلو ته د وسلو او پوځي تجهیزاتو له لېږد څخه ډډه وکړي.
