افغانستان

د نورستان والي: دواب ولسوالي طالبانو ونیوله

نن ټکی اسیا (چهارشنبه، زمري ۲۹مه، ۱۳۹۳ل): د نورستان چارواکي وايي چې د دې ولایت دواب ولسوالي له څو ورځو محاصرې وروسته طالبانو ونیوله.

د نورستان والي حافظ عبدالقیوم وايي چې د دواب ولسوالي نن سهار په بشپړ ډول د طالبانو لاس ته ولوېده.

د نورستان د والي په قول دوی څوځله له مرکزي حکومته د مرستې غوښتنه وکړه، خو چا يې غږ وانه ورید.

دا په داسې حال کې دی چې څو ورځې وړاندې د فاریاب والي محمدالله بتاش هم د دې ولایت د قیصار اوغورماچ ولسوالیو د سقوط ته نږدې کېدو خبر ورکړ.

پر دې سربېره د روزګان  او کندوز چارواکو هم په غبرګو ولایاتو کې د طالبانو پراخ عملیات د اندېښنې وړبلل.

تر دې وړاندې د هلمند ولایت د موسی کلا ولسوال هم ویلي و چې د دوی ولسوالي له څو پوستو پرته بشپړه له طالبانو سره ده.

یاده دې وي چې د طالبانو ډله ایزو بریدونو افغان امنیتي ځواکونه خورا په اندېښنه کې کړي دي.

د چارو د شنونکو له قوله د هېواد په ګوټ ـ ګوټ کې د طالبانو پراخ پرمختګ د افغان دولتي عسکرو په روحیه خورا بده اغېزه کړې ده.

 

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx
()
x