شعـــــرونه

ناتار

شاعر: محمد رفیع یادګاري

راشې د میلمه په نوم بادار جوړ شی

مخکی شی زمونږ سپه سالار جوړ شی

سره دی او که توراو یا د سپین په نوم

خاورې د افغان ته خریدار جوړ شی

وتړی عهدونه چی دوستان به ېو

راشې زمونږ دوست څخه غدار جوړ شی

لنډ به کړو لاسونه د پردو خلکو

وایی او پخپله بیا اغیار جوړ شی

وایی چی آمنیت او سوکالی راوړو

سم یی د راتګ سره ناتار جوړ شی

غم د غریبئ به ورک کوو مونږه

وګورئ پخپله بیا مالدار جوړ شی

غلا وکړی د شپې او بیرته لاړ شی نور

ورځ کی زمونږ سر ته چوکیدار جوړ شی

وژنې په کوم زور زمونږ بچي چی دوي

ښکاری چی وطن نه مو مزار جوړ شی

یاد ساتئ د روس او د انګریز په شان

خاوره د افغان به درته دار جوړ شی

دعا کړی یادګاری چی مخ تورن به شئ
بیا به هم تاریخ زمونږ یادګار جوړ شی

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x