خبرونهنړۍ

اسلام اباد: لاریونوال د پارلمان ماڼۍ ته ننوتل

نن ټکی اسیا (یکشنبه، وږی ۹مه، ۱۳۹۳ل): د پاکستان په پلازمېنه اسلام اباد کې د عمران خان د تحریک انصاف او د طاهر القادي د پاکستان عوامي تحریک له خوا پنځلس ورځنی لاریون نن هغه مهال په تاوتریخوالي واوښت چې لاریونوالو د پارلمان ودانۍ ته د ننوتلو هڅه وکړه.

د عمران خان او طاهر القادري پلویان له تېرې کابو یوې اوونۍ راهیسې د پارلمان، ولسمشرۍ او صدارت ماڼیو مخې ته خیمې لګولې وې. دا ځای د اسلام اباد د زړه دی، چې ډي چوک نومېږي.

د شنبې شپې دوولسو بجو شاوخوا د دواړو حرکتونو پلویانو د پاکستان پارلمان ودانۍ ته د ننوتلو هڅه وکړه.

تر دې دمه (د راپور لیکلو پر مهال) ۲۰۰ لاریونوال ټپیان دي. پولیسو هغه مهال پر لاریونوالو اوښکې بهوونکی ګاز وکاراوه، چې دوی وغوښتل د پارلمان ماڼۍ ته ننوځي.

د یادولو وړ ده، چې ټپیانو کې پولیس هم دي.

شخړه لا هم روانه ده، د نورو جزیاتو لپاره نن ټکی اسیا څارئ.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx
()
x