نړۍ

پنجاب کې ورښتونو ۳۹ کسان وژلي

نن ټکی اسیا (پنجشنبه، وږي ۱۳مه ۱۳۹۳ل): د پاکستان په پنجاب ایالت کې د پرون ماسپښين راهیسې پیل شوي پرلپسې وروښتونو لږ تر لږه ۳۹ کسان وژلي او لسګونه نور يې ژوبل کړي دي.

د هوا اړوندې ادارې وايي چې ښايي باران له ۳۶ ساعتونو څخه تر ۳۸ پورې نور په دوامداره توګه ووریږي.

پاکستاني رسنۍ وايي چې د لاهور ښار سره سره د پنجاب ایالت په زیات شمېر ښارونو کې پرلپسې باران د ژوند نظام فلج کړی دی.

د پنجاب ایالت چارواکي وايي چې تر دې مهاله د ورښتونو له امله ۳۹ کسان وژل شوي او د نورې مرګ ژوبلې انديښنه هم شته.

د لاهور ښار د ژغورنې ټیم چارواکي وايي چې د تېرې شپې بارانونو په لاهور کې ۱۵ کسان او د پنجاب په نورو ښارونو کې ۲۴ کسان وژلي.

پاکستاني رسنۍ کاږي چې د سختو ورښتونو له امله سرکونه د تالابونو ننداره وړاندې کوي، د بريښنا نظام خراب شوی او خلک له خورا ستونزو سره مخ دي.

راپورونه وايي چې د هوا ادارو د پنجاب ایالت په ۵ سیندونو کې د سختو سیلابونو وړاندیوینه کړې.

څو ورځې وړاندې په پېښور ښار کې هم سخت بارانونه وشول چې له امله یې لسګونه کسانو ته مرګ ژوبله واوښته.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx
()
x