شعـــــرونه

وفا نکوي !‎

شاعر: نظام کندهاری

دا وي عادت د مهرويانو چي وفا نکوي
سړی عاشق کړي بيا يې زخم ته دوا نکوي

د يو نظر په قيمت اخلي له سينو نه زړونه
افسوس چي بيرته اقاله د دې سودا نکوي

تر اوبو تږي پريباسي تشنه ګان د وصال
نن که وعده کوي د وصل خو صبا نکوي

تل چي کوي حکمراني په زور د زړونو پر ښار
لري لښکري د غمزو پروا د چا نکوي

عاشقان وژني په جفا قتل يې بولي حلال
بيا لا هم وايي ګواکی دوی کومه ګناه نکوي

لکه طالب چي خوشحاليږي د پردو په قتل
پۍ مخي هم پر ټپي زړو باندې ژړا نکوي

صورت حال يې کړی بيان شوخي يې نه ده کړې
که خفه کيږي نو نظام به بيا وينا نکوي

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x