نړۍ

سعودي عربستان عراق سره پر ۹۰۰ کليومټره سرحدي سيمه ازغرن تار لګوي

نن ټکی اسیا (یکشنبه، وږي ۱۶مه، ۱۳۹۳ل): سعودي عربستان اعلان کړی، چې د هېواد شمال کې د عراق سرحد سره په خپل نهه سوه کيلومټره سرحد ازغن تارلګوي.

د سعودي عربستان ټول واک امير عبدالله ويلي، چې د هېواد شمال کې حفرالباطن سيمې د عراق او کويت سره په نهه سوه کيلومټره سرحد ازغن تار لګوي، تر څو د سعودي عربستان امنيت خوندي شي او د بريدګرو او قاچاقبرانو مخنيوی وکړای شي.

سعودي رسنۍ د چارواکو له قوله وايي، چې د سعودي عربستان د امنيت په موخه د د ازغن تار تر څنګ، برقي برجونه، پنځوس راډارونه، د شپې کامرې او دوربينونه لګوي، تر څو سعودي عربستان ته د قاچاقبرانو، وسله والو او نورو مخالفينو مخنيوی وشي.

له دې مخکې هم سعودي عربستان دوه درې ځله دا پرېکړه کړې وه، چې عراقي سرحد سره ازغن تار ولګوي، مګر عراق سره د اړيکو د ترينګلتيا له امله دغه پروسه پاتې شوې وه.

کارپوهان وايي، چې سعودي عربستان ويره لري، چې د عراق او شام د اسلامي دولت ځواکونه به د عراق له لارې سعودي عربستان ته ورننوځي او د دوی خاوره به د خپل خلافت برخه وګرځوي.

راپورونه وايي، چې سعودي حکومت د اسلامي دولت د پرمختګونو له امله ډېر اندېښمن دی او د هېواد شمال ته يې درې زره عسکر ليږلي، تر څو دغه سيمه کې د عراقي سرحد څخه د اسلامي دولت ځواکونه د سعودي خاورې ته ورنشي او له همدې امله يې اوس پرېکړه کړې، چې عراقي سرحد سره په نهه سوه کيلومټره سيمه ازغن تار ولګوي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx
()
x