سترې محکمې د پغمان د پېښې عاملین په اعدام محکوم کړل

نن ټکی اسیا (یکشنبه، وږي ۱۶مه، ۱۳۹۳ل): شېبه وړاندې د افغانستان په ستره محکمه کې په یوه علني محاکمه کې د پغمان د پېښې تېري ګر په اعدام محکوم شول.

د بریدګرو له ډلې نه پنځه تنه د تښتونې او غلا په خاطر په پنځلس کاله بند او د مسلحانه برید او د زنا د جرم د ثبوت په خاطر په اعدام محکوم شول.
له دې اووه کسیزې ډلې نه دوه نور د زنا د جرم د نه اثبات په خاطر بری، مګر د تښتونې په خاطر په شل کاله بند او په مسلحانه غلا کې د شرکت په خاطر دوی هم په اعدام محکوم شول.

په ننۍ علني محاکمه کې تورنو، د هغوی مدافع وکیلانو، ځینو نورو زیانمن شویو خلکو او تر برید لاندې شویو مېرمنو هم خبرې وکړي.

په محاکمه کې د کابل د پولیسو مشر جنرال ظاهر وویل، چې شېبه وړاندې ورته یو چا زنګ وواهه چې دغه ډله چې د دوی مشر د قومندان په نامه یادېده او تل به يې د پولیسو جامې په تن وي د هغوی کورته په زور ورننوت او هلته به يې له جنسي تېري وروسته په ډاډه زړه ولامبل او له کوره به ووت.

د محکمې د فرمان له مخې دغه محکمه لومړنۍ «ابتدايي »ده او نورو محاکمو ته به په تمه یو.

تر دې وړاندې ولسمشر حامد کرزي هم ویلي و، چې که پر دې کسانو د اعدام حکم وشي دی به په لاسلیک کې ځنډ ونه وکړي.

په ورته وخت کې په خوست، هرات او کابل ښار کې هم پرون او نن ګڼو لاریون کوونکو له دولتي مسوولینو نه د دې پېښې د عاملینو د سختې سزا غوښتنه کوله.

دغو څو تنو چې د پولیسو یونیفورم يې په تن او مسلح وو، د زمري په یو دېرشمه پغمان ته څېرمه په ده عربان سیمه کې له یو واده څخه راستنېدونکو څلورو تنو مېرمنو د شپې تر دوو بجو جنسي تېري کړي دي. او د هغو زېورات هم يې ترې لوټ کړي دي.

avatar
1 د تبصرو شمېر
0 د ځوابونو شمېر
0 ار ایس ایس کې ګډونوال - څارونکي
 
ډېر غبرګون شوې تبصره
تر ټولو ګرمه موضوع
  ګډون وکړئ  
نویو زړو ډیرو خوښو شویو
خبرتیا غوښتل د
فيضي
میلمه
فيضي

دغه كسان په كمه جامه كي نيول شوي دي يع ني شخسي جامي اي په تن وي كه
دپو ليسودو لتي جا مي دنيولو په وخت كي پدي هيله چي هغه گسان
چي پوره معلومات ولري هغوي دي معلومات را كي
ستاسو دجاو ب په تمه مننه