افغانستان

بدخشان: چاودنې ۶ عسکر وژلي

نن ټکی اسیا (دوشنبه، وږي ۱۷مه ۱۳۹۳ل): د هېواد په شمال ولایت بدخشان کې د یوې چاودنې په ترڅ کې ۶ عسکر وژل شوي او ۳ نور يې ټپیان شوي دي.

د بدخشان ولایت امنیه قومنذانۍ آمر سمونوال سید عبدالقدیر صیاد ویلي چې دغه چاودنه پرون ماښام  په بهارک ولسوالۍ کې د اردو په یوې رینجرې وشوه.

نوموړي زیاته کړه چې د چاودنې له امله ۶ سرتیري ووژل شول او رینجره هم له منځه ولاړه.

د بهارک ولسوالۍ ولسوال عبدالسمیع عتیق هم د چاودنې پخلی کړی او ویلي یې دي چې ملي اردو رینجر موټر د بهارک ولسوالۍ څخه وردج ولسوالۍ ته روان و چې د سړک د غاړې ماین ښکار شو.

عتیق زیاته کړه چې دغه ماین د طالبانو لخوا ځای پر ځای شوی و.

طالبانو ددغې چاودنې مسوولیت منلی دی.

طالب ویاند ذبیح الله مجاهد په وینا په چاودنه کې ۹ عسکر وژل شوي او یو عسکر مرګونی ټپي دی.

مجاهد زیاتوي چې دغه چاودنه بېګا ماسخوتن ۸ بجې په پل یرداد نومې سیمه کې د ملي اردو په یو رینجر موټر وشوه.

بدخشان په شمال  کې یو له هغو ولایتونو څخه دی چې زیات شمېر سیمې یې د طالبانو تر ولکې لاندې دي او څو وار يې  ځينې ولسوالۍ په بشپړه توګه هم نېولي دي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x