شعـــــرونه

د لېمو نم‎ – نظام کندهاری

شاعر: نظام کندهاری

تر لېمو چي مي روان دی په دې نم لږ ځان خبر کړه
ولي نه ژاړې جهانه زما په غم لږ ځان خبر کړه

درد د زړه پر کعبه باندې کړي طواف مي په سينه کي
د سکون امامه راشه په حرم لږ ځانه خبر کړه

دلته جوړه کربلا ده شمر سرې سترګي را وتی
ولي ړنګ نشوې آسمانه په ماتم لږ ځان خبر کړه

د غفلت په خوب ويده مومنه پاڅه وخت د ننګ دی
نور راويښ شه په آذان او صبحدم لږ ځان خبر کړه

ستا په عشق کي مو دي غشي پرسينه باندې خوړلي
اې طبيبه په درمل او په مرهم لږ ځان خبر کړه

زموږ سلګۍ يې اورېدلې چا ځوانۍ راته لوګی کړې
اې د فيل په غوږ کي پروته نن ته هم لږ ځان خبر کړه

د زړه ويني يې سياهي غمونه ليکي په بيتو کي
د نظام په ژړېدلي مات قلم لږ ځان خبر کړه

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx
()
x