نړۍ

پاپ: نړۍ د دریمې نړیوالې جګړې پر لور پړاوونه وهي

نن ټکی اسیا (شنبه، وږي ۲۲مه،۱۳۹۳ل): د نړۍ د کاتولیکانو مشر او پاپ «فرانسیس» په نړۍ کې د جګړو او تاوتریخوالي د ډېرښت خبرداری ورکړ.

نوموړي ویلي، چې په نړۍ کې روانو جنایتونو، وژنو او ورانیو ته کتو سره ویلای شي، ښايې درېیمه نړیواله جګړه نور ورو – ورو پيل شوې وي.

د نړۍ د کاتولیکې کلیسا پاپ «فرانسیس» چې په ايټالیې کې یې د لومړۍ نړیوالې جګړې د سلیمې کلیزې په باب وینا کوله، وویل ، چې «جګړه لیونتوب دی! »

پاپ له دې وړاندې هم په نړۍ کې د «خدای او مذهب » په نامه جګړې غندلې او دا یې د سولې او ټېکاو لپاره خنډ بللي؛ خو کله یې هم د جګړې عوامل او پیلوونکي تر نیوکې لاندې نه دي نېولي.

د یادونې وړ ده، چې د لومړۍ نړیوالې جګړې د سلیمې کلیزې د نمانځنې مراسم نن د ایټالیې هېواد په هغه پراخه هدیره کې ترسره شول؛ د کومې په هکله چې ویل کېږي، د لومړۍ نړیوالې جګړې پر مهال د ایټالیې ټولټال سل زره وژل شوي عسکر دلته خاورو ته سپارل شوي.

د پوهانو په اند، پاپ فرانسیس په دې وروستۍ وینا کې که څه هم د دریمې نړیوالې جګړې د پيلېدا خبرداری ورکړ؛ خو د یادې جګړې نښې – نښانې يې په دقیقه توګه په ګوته نکړي.

په عین وخت کې، سپېنې ماڼۍ نن اعلان وکړ، چې امریکا د ابوبکر البغدادي په مشرۍ د شام او عراق د اسلامي دولت له ځواکونو سره د جګړې  په حالت کې ده.

پاپ د خپلې بیانیې په ترڅ کې همدارنګه  شاوخوا درې میاشتې وړاندې په فلسطین باندې د اسراييلي د خونړیو حملو او پر له پسې هوايي او ځمکنیو بریدونو په هکله هم کوم نظر ورنکړ او نه یې هم دا ډول بریدونه محکوم کړل.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x