افغانستان

غزني کې د ولايتي شورا وکيلې مېړه او يوه نجلۍ وژل شوي

نن ټکی اسیا (پنجشنبه، وږي ۲۷مه ۱۳۹۳ل): غزني ولايت کې د خپلمنځي جګړې له امله د ولايتي شورا د وکيلې ميړه او يوه کليواله نجلۍ وژل شوي دي.

د غزني ولايت چارواکي وايي، چې تېره ورځ د غزني ولايت مرکز اړوند شهادة نوموې سيمه کې د ولايتي شورا يوې وکيلې مرضيه رحيمي ماشومانو له خپل ګاونډي سره شخړه کړې وه، چې وروسته د وکيلې مېړه محمد شريف د ګاونډي کور ته وراوښتی و، او د کور ماشومان او تورسرې يې ورته وهلې وې.

د محمد شريف د ګزارونو په غبرګون کې د موسی په نوم د کور څښتن پر نوموړي د چرييز ډزې وکړې او محمد شريف يې ژور ټپي کړ،چې وروسته يې روغتون کې د سختو ټپونو له امله ساه ورکړه.

د غزني ولايت وياند شفيق الله ننګ وايي، چې د محمدشريف له مرګه وروسته د وکيلې د کورنۍ يوه غړي د خپل ګاونډي پر کور ډزې وکړې او يوه ځوانه نجلۍ يې ووژله.

د غزني ولايت چارواکي وايي، چې د يادې پېښې په اړه څېړنې روانې دي او ډېر ژر به رسنيو ته د څېړنې پايلې وړاندې شي.

د پېښې قربانيانو تر اوسه په دې اړه څه نه دي ويلي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x